Mpiin 41:42 - Uwumbɔr aagbaŋ

⁴² Le ubɔr chuu ŋmaar tibɔr aabɔmbik, ki di ŋmaan Josef aaŋanbik, le ki di libɔrbɔkul di peen u, ki di salmaa aakuleen di peen uneen ni.

Mpiin 41:42 Iomraidhean Croise

Mpiin 38:18

Le Juda baa u ke, “Aa ban ke m tii si ba aan ni li ye tipuur?” Le u giin bui u ke, “Di saabɔmbik, ni nkuŋmin, ni saah joo kijaangbeek ki na tii mi.” Le u di ni mɔmɔk tii u. Le bi kpaan, le Tamar dek lipuul.

Mpiin 41:43

Ubɔr nan di waataan aatɔroku leler ki di tii Josef ke u koo u ni, le ki cha waajab loln u pu nsan ki di mann Ijipt aatiŋ mɔmɔk, le ki kaani ke, “Gbaan man. Gbaan unimbiin ni man.” Kina le bi nan di Josef ŋa Ijipt aatiŋ mɔmɔk aaninkpekpaan.

Esta 10:3

Ubɔr Sekes baanja le nan kpa tininkpir ki jer Juu aanii Modekai. Juu yaab mɔmɔk nan pak Modekai ki gee u sakpen. U nan tun ki ban waanib aabimbinyaan ni biyaabitiib aamɔfal la.

Esta 3:10

Le ubɔr chuu ŋmaar waabɔmbik ki bi joo nyiir tigbann pu ke ni ye ubɔr aaseeraa na, ki di tii Juu yaab aadin Hamann u ye Hamedata aajapɔɔn, ki mu ye Agag aayaabil na.

Esta 3:12

Kina pu na, njan aaŋmal aawiin kipiik ni itaa daal le Hamann nan yin ubɔr aagbaŋmeeb le ki cha bi ŋmee tibɔr ti u ban na, nnaan ngbaan aaliin mɔmɔk ni, ni iliin ngbaan aaŋmeen ni, ke u tii bitinjoob mɔmɔk, ni biyidam mɔmɔk, ni nnaan aaninkpiib mɔmɔk. U nan ŋmee ti Ubɔrkpaan Sekes aayimbil pu la, ki di waabɔmbik nyii tibɔr ngbaan pu.

Esta 8:10

Modekai nan cha bi ŋmee tigbann ngbaan ubɔrkpaan Sekes aayimbil pu la, le ki di nnaan aamɔkl aabɔmbik nyii ti pu. Binib nan di libɔrdichal ni aataan le ki di tigbann ngbaan buen mala ŋipepel ngbaan mɔmɔk ni.

Esta 8:15

Tɔ, Modekai nan nyan libɔrchiln ngbaan ni, ki pee ŋibɔrbɔkul ŋi ŋmal nsiin ni mpem na, ni ŋikekenyaan ŋiken, ki chik salmaa aabɔryikpupuk ki ŋan sakpen na. Le Susa aatiŋ ni aasan mɔmɔk ni, binib faa mpopiin aafuuk;

Esta 8:2

Le ubɔr chuu ŋmaar waabɔmbik ki ye waamɔkl na, aan u nan chuu gaa Hamann chee na, di tii Modekai. Esta nan cha Modekai le lik Hamann aawangol li ubɔr nan di tii u na.

Esta 8:8

Tɔ, nkaal yaa siin ubɔr aayimbil pu, aan bi di nnaan aamɔkl aabɔmbik nyii mu pu kan, ubaa aan ki ŋmaa kpeln mu. Naah ga ŋa pu na le ye ke: Ŋmee kigbaŋ tii Juu yaab mɔmɔk naah gee pu na; ni ga ŋmee ki maayimbil pu, ki di nnaan aabɔmbik nyii mu pu.”

Ilahn 73:6

Kina pu le bi di kigaak ŋa nneeleen ki di peen, ki di mbimbinpɔɔl ŋa tiwanpeenkaan;

Ŋiyataŋak 1:9

Baamɔkm ga toor saabimbin, ke kiyikpupuk nyaan, ni nleenyaan aah ga kpee si kinyaan pu na.

Ŋiyataŋak 31:22

U ŋal ubaa aawandookaan aakeken, le ki peeni ŋitanyaan aawanpeenkaan.

Ŋiyataŋak 31:24

Upii ngbaan luu ŋikeken ni ŋigbapapan, le ki joo kooh biwankoob pu.

Solomonn Aalahn 1:10

Tafajɔnjɔn ti bi aatafal pu na cha aa ŋan sakpen, Nleenyaan mu bi aasil pu tii si kinyaan pam.

Solomonn Aalahn 4:9

Maabɔngeehn ni maabɔndinn, nlaasaab bi aanimbil, ni nneeleen mu aa gbin na ni la.

Aisaya 3:23

ni baanimbilikr, ni baabɔkol nyaan, ni baayibubur ti fɔk aan bi joo buu biyil pu na mɔmɔk.

Jeremia 52:33

Kina pu na, Jehoyachinn nan kan nsan ki kpeln waayondiik ni aawanpeenkaan, ki gur ji ubɔr chee tijikaar le ki ti kpo.

Esekiel 27:7

Bi nan di ŋitanyaan le ŋa saakeken ŋi joo si chuun na, ŋi nan ye Ijipt aatiŋ aatanyaan ŋi kpa nyɔla nyɔla na la, Le unii yaa po si dandar pu na kan, u ga bee ŋi. Bi nan di ŋikekenyaan ŋa saakeken ŋi kii nwiin ni utaal na, ŋi nan ye ŋitambɔn aakeken ŋi nyan ni Saiprus aatiŋ ni na la.

Daniel 5:16

Tɔ, m ŋun ke aa ŋmaa kani tiwan ni bɔr na aatataa ki kpiir len. Aa yaa ga ŋmaa karn ŋŋmeen mue ki tuk mi mu aatataa kan, bi ga peen si libɔrbɔkul li ŋmal mmam, ni nsiin na, ki gbin si salmaa aaleen mu kpa kipak na aaneen ni, ki li ye nnaan mue ni aaninkpel tatar u paa m pu na.”

Daniel 5:29

Libuul ngbaan ni le Belsasar bui waatutum ke bi di libɔrbɔkul li ŋmal mmam ni nsiin na peen Daniel, ki di salmaa aaleen mu kpa kipak na gbin uneen ni; le ki di u ŋa waanaan ni aaninkpel tatar u paa u pu na.

Daniel 5:7

Le u teen ke ubaa yin ni bibɔɔb, ni binib bimɔk joo inyɔk tun lituln na ke bi dan. Baah koo ni na, le ubɔr bui bi ke, “Unii u ŋmaa karn ŋŋmeen mue ki tuk mi mu aatataa na kan, bi ga peen u ŋibɔrbɔkul ŋi ŋmal mmam ni nsiin na, ki gbin u salmaa aaleen mu kpa kipak na uneen ni, aan u li ye unii tatar u aaninkpir paa m pu, nnaan mue ni na.”

Tibɔnyaan ti Luk ŋmee ti na 15:22

Le ute bui waatutum, ‘Li cha mala ki ti yoor ni lininkpebɔkul nyaan na, ki nan di peen u, ki di kibɔmbik ŋmaan u, ki di ŋinaatak taŋ u,

1 Samuel 18:4

U nan chuu peer waah pee libɔkul li paacham na di tii David, ki di waajaak aabɔkul, ni waajaak aajuk, ni waatɔm, ni waagbapapaln mu tii u.