Mpiin 41:40 - Uwumbɔr aagbaŋ

⁴⁰ M ga di sin le ŋa maatiŋ kee aaninkpel, le maanib mɔmɔk ga kii saah len pu na mɔmɔk. Sin le ga li paa m pu kitiŋ kee ni.

Mpiin 41:40 Iomraidhean Croise

Mpiin 39:9

M kpa mpɔɔn lichiln limina ponn ni ke m ŋa maah ban pu na, see sin upuu baanja le maa ŋmaa ŋa nibaa aa chee. Ba ŋa aa ban ke m tun kidagook aatuln li ye titunwanbir na Uwumbɔr aanimbiin ni?”

Mpiin 44:18

Le Juda foor duun Josef chee le ki bui u ke, “Uninkpel, ŋaanii, ki cha m len aa chee tibɔr mbaa pu. Taa gee m pu liŋuul, aa ŋma ubɔrkpaan Faro la.

Mpiin 45:26

le ki ti bui bite ke, “Josef beenin bi. Uma le ye Ijipt aatiŋ aajojoor.” Le tibɔr ngbaan ŋa Jakob mpobiyuk, le waa nyi waah ga len pu na, ki dak ke taa gbii.

Esta 10:3

Ubɔr Sekes baanja le nan kpa tininkpir ki jer Juu aanii Modekai. Juu yaab mɔmɔk nan pak Modekai ki gee u sakpen. U nan tun ki ban waanib aabimbinyaan ni biyaabitiib aamɔfal la.

Esta 3:1

Tiwan nee mɔmɔk aah ŋa ki jer na, le Ubɔrkpaan Sekes nan tii uja u bi yin u ke Hamann na tininkpir ti paa ubɔr pu na. Hamann aate le nan ye Hamedata, le uyaaja ye Agag.

Job Aagbaŋ 31:27

Ubaa aa kee ŋmann mi aan m nyuŋ ni ki moor ŋŋaal ki pak ni.

Ilahn 2:12

li gbeer man ki ti gbaan unimbiin ni; naa ye kina kan, waaŋuul ga fii mala, le ni ga kpo libuul ngbaan ni. Binib bi mɔmɔk chaa u chee ti ban ke u kiir bi na kpa mpopiin.

Ŋiyataŋak 22:29

Unii u bi ki tun waatuln mbamɔm na jer binib biken, le ki ga li ye bibɔrb aajɔ.

Daniel 5:29

Libuul ngbaan ni le Belsasar bui waatutum ke bi di libɔrbɔkul li ŋmal mmam ni nsiin na peen Daniel, ki di salmaa aaleen mu kpa kipak na gbin uneen ni; le ki di u ŋa waanaan ni aaninkpel tatar u paa u pu na.

Daniel 6:3

Naa nan yunn le Daniel nan mɔk ke u ye unii u nyi waatuln ki jer uŋeen aatɔtiib bilee na, ni biyidam na mu la. Waah nan nyi tiwan ki ti nyaŋ sakpen pu na, ubɔr nan ŋa nlandak ke u di u ŋa waanaan ngbaan mɔmɔk aayidaan.

Lituln 7:10

ki ter u, ki nyan u waafalaa mɔmɔk ponn ni. N‑yoonn ngbaan Faro nan ye Ijipt aatiŋ aabɔr. Le Uwumbɔr tii Josef nlan, ki cha Faro gee waabɔr. Le Faro di u ŋa kitiŋ ngbaan aayidaan, ni waachiln aayidaan.

1 Samuel 10:1

Le Samuel yoor likpasambil ki di mu kpir Sɔɔl aayil pu, ki moor utakpiln, le ki bui u ke, “Uwumbɔr le toor si ke aa li ye Israel aanib aajojoor. Sin le ga li joo waanib ki kii bi, baadim taa pii bi. Nimina le ga li ye seeraa u ga mɔk ke Uwumbɔr lee si ke aa li ye waanib aajojoor na: