Mpiin 41:32 - Uwumbɔr aagbaŋ

³² Le saah daŋ njan aadaŋ ki ki gir daŋ lelee aan tidaŋ ngbaan aatataa ye tiwanbaan na, Uwumbɔr le sil siin ti kina, ki mu ga cha ni ŋa kina dandana wee.

Mpiin 41:32 Iomraidhean Croise

Mpiin 37:7

Ti mɔmɔk nan bi kisaak le ki chee ipui, le buyoonn m di maapuijaal di bil na, le li fii sil chob, le nimi aapuijaan mu fii sil, le ki goln n‑yaal ki gbaan linimbiin ni.”

Mpiin 37:9

Josef nan ki daŋ tidaŋ tiken, le ki bui ukpetiib ke, “M ki daŋ tidaŋ tiken, ki kan nwiin, ni uŋmal, ki kpee iŋmabi kipiik ni ubaa gbaan nnimbiin ni.”

Mpiin 41:25

Le Josef bui ubɔr ngbaan ke, “Tidaŋ tilee ngbaan aatataa ye tiwanbaan la. Uwumbɔr le bui si waah ban u ŋa tiwan ni na.

Mpiin 41:28

Maah tuk si pu na, ni ye mbamɔn le ke Uwumbɔr le bui si waah ban u ŋa pu na.

Mpiin 41:31

Nkon mu ga nan lir na ga li bir pam, le ni ga cha ni suln ŋibin ŋilole ŋi tijikaar nan bi sakpen na aabɔr.

Aisaya 30:33

N‑yoonn mu jer na, bi nan puen toor libuul li ponn ni bi ga nan di Asiria aabɔrkpaan ngbaan see mmiisakpiin ni na. Li nyoo le ki waa, le bi pii idɔ ti gbiin li; le Uwumbɔr ga fuur mmiigaal mu ti gaa u ni idɔ ngbaan li ponn ni.

Daniel 2:45

Aa nan kan litakpal aah ker nyan ni lijool aamɔgbeln aan unii ubaa aa meeh li, le li nan yun tiwanaankaan ni bi di tikur, ni tikumann, ni tiyakr, ni tikunabr, ni salmaa naan ni na. Uwumbɔr u kpa mpɔɔn sakpen na bi tuk si tiwan ni ga ŋa n‑yoonn mu choo na la. M tuk si saah daŋ pu na ni taatataa mu chob la.”

Nkahm 23:19

Uwumbɔr aa ye unii ki geei inyamɔn, waa ye unibɔn le ki kpelni waalandak. U yaa puu ke u ga ŋa pu na kan, see u ŋa kina. U len, le ni ŋani kina.

Matiu 24:35

Paacham ni taab ga jer. Maamɔbon ma aan jer.”

Matiu 25:34

Le min, u ye Ubɔrkpaan ngbaan na, ga bui binib bi si ŋŋangii wɔb na, ‘Nimi bi Nte Uwumbɔr ŋa tinyoor ŋa ni pu na, dan nan ji nnaan mu u nan toor siin nimi, buyoonn u nan naan dulnyaa wee na.

Matiu 25:41

“Le m ga bui binib bi si ŋŋangan wɔb na, ‘Nimi bi Uwumbɔr puun lii ni pu na, nya m chee man, ki ti koo mmii mu kaan junn, aan Uwumbɔr nan tuur siin kinimbɔŋ ni kaawanbir mɔmɔk na.

Tibɔnyaan ti Mak ŋmee ti na 10:40

Tɔ, binib bi ga kal ŋŋangii, ni ŋŋangan wɔb na ma kan, Uwumbɔr le ga lee bi; naa ye min le ga lee bi.”

1 Korenti 2:9

Ni ŋmee Uwumbɔr Aagbaŋ ni ke, “Tiwan ni binib aanimbil aa kee kan ni, bitafal mu aa kee ŋun ni pu, aan baalandak aa kee dakl naabɔr na, nima le Uwumbɔr ŋa tii binib bi gee u na.”

2 Korenti 13:1

Tɔ, m ga dan nan mann nimi taataa la. Ni yaa galn unii ubaa kan, maan gar nimi, see biseeraadam bilee, bee bitaa len.

Tibɔkpiirkaan 9:15

Le u chuu gbiln Uwumbɔr aatuuntiib binaa ngbaan lii. Uwumbɔr le gor bi, ki siin bi libiln, ni uŋmal, ni nwiin, ni kikurk ki bi ga di ku binib ligetatar na.