Mpiin 41:15 - Uwumbɔr aagbaŋ

¹⁵ Le ubɔr bui u ke, “M daŋ tidaŋ la, le ubaa aa bi ki ga ŋmaa tuk mi tidaŋ ngbaan aatataa. Bi tuk mi ke aa ga ŋmaa nabr ti tii mi.”

Mpiin 41:15 Iomraidhean Croise

Mpiin 40:8

Le bimɔk bilee giin bui u ke, “Kinyeek na le timɔk bilee daŋ tidaŋ, le taa nyi unii u ga ŋmaa nabr taatataa tii timi na.” Le Josef bui bi ke, “Ni ye Uwumbɔr le tii unii nlan le u ŋmaa nabr tidaŋ aatataa. Nima pu na, bui mi tidaŋ ngbaan man.”

Mpiin 41:8

Le ni woln kichakpiik ni, le tidaŋ ngbaan aabɔr bii usui, naa mɔ u, nima pu le u nan cha bi yin ni bilandam, ni binib bi ŋani lijinjiir aawan na mɔmɔk, le ki bui bi waadaŋ ngbaan aabɔr. Bi ponn ni ubaa mu aa ŋman nabr ti tuk u.

2 Bibɔrb Aabɔr 26:5

N‑yoonn mumɔk Sekaria, u nan ye Uwumbɔr aadidiir, ki ye waasusur na nan bi limɔfal ni na u nan tun Uwumbɔr aageehn mbamɔm. Le Uwumbɔr nan ŋa u tinyoor.

Ilahn 25:14

Uwumbɔr aajɔtiib le ye binib bi keei waamɔb na, le u mɔk bi waah puu tipuur ti na aatataa.

Daniel 2:3

le u bui bi ke, “M daŋ tidaŋ tibaa le ti muk mi. M ban ke m bee taatataa la.”

Daniel 4:18

Le Ubɔrkpaan Nebukadnesar bui ke, “Tidaŋ ti m daŋ na le bi na. Tɔ, Beltesasar, tuk mi taatataa aah ye pu na. Maasusurb ubaa aa ŋmaa tuk mi taatataa, le aa ma ga ŋman, ba pu? Uwumbɔr u bi chain na Aafuur Nyaan bi aa chee.”

Daniel 4:9

M nan bui u ke: Beltesasar, bibɔɔb aabɔr, m nyi ke Uwumbɔr u bi chain na Aafuur Nyaan bi aa chee, ki nyi ke aa ŋmaa beer iwaan aawan mɔmɔk aatataa. Maadaŋ le bi na. Tuk mi taatataa aah ye pu na.

Daniel 5:12

Waalan ni ichiin nyaŋ sakpen le u ŋmaa kpiir tidaŋ aatataa len, ki nyi ŋiyataŋak aatataa, ki ŋmaa kpiir tiwan ni bɔr na mɔk binib, kina pu na, tun yin ni uja u bi yin u ke Daniel na, u ubɔr nan ki yin u ke Beltesasar na, le u ga nan tuk si tiwan nimina mɔmɔk aatataa.”

Daniel 5:14

M ŋun aa pu ke Uwumbɔr u bi chain na Aafuur Nyaan bi aa chee, le aa kpa nlan ki nyi tiwan sakpen.

Daniel 5:16

Tɔ, m ŋun ke aa ŋmaa kani tiwan ni bɔr na aatataa ki kpiir len. Aa yaa ga ŋmaa karn ŋŋmeen mue ki tuk mi mu aatataa kan, bi ga peen si libɔrbɔkul li ŋmal mmam, ni nsiin na, ki gbin si salmaa aaleen mu kpa kipak na aaneen ni, ki li ye nnaan mue ni aaninkpel tatar u paa m pu na.”