Mpiin 40:20 - Uwumbɔr aagbaŋ

²⁰ Le ni saa iwiin itaa daal, ni mu nan tuur baah nan ma ubɔrkpaan nwiin mundaal na la; le u cha bi ŋa tijikaar, le ki yin bininkpiib bimɔk paa u pu na, bi nan ji njim ngbaan; liyaadaal ngbaan le u nan cha bi nyan ni waanaagbiib bilee na kiyondiik ni, ki di bi dan u ni waaninkpiib ngbaan chee.

Mpiin 40:20 Iomraidhean Croise

Mpiin 21:8

Aisak nan muun, le waah nan lii libiil na, Abraham nan ŋa njim sakpiin.

Mpiin 40:13

Iwiin itaa daal kan, ubɔr ngbaan ga nyan si kiyondiik ni, ki di cha pinn si, le ki giin si saatuln ni.

Mpiin 40:19

Iwiin itaa daal kan, ubɔr ga nyan si kiyondiik ni ki ti chuu gii aayil. Le u ga di saawon di leen idɔ pu, le inyoon ga dan nan ji saawon ngbaan.”

1 Bibɔrb 3:15

Le Solomonn nan finn, ki bee ke Uwumbɔr len u chee tibɔr tidaŋ ni. Le u buen Jerusalem aatiŋ ni, ki ti sil Uwumbɔr Aakaal Aadakaa aanimbiin ni, ki toor kitork ki bi joo seer mmii ni na, ni kimɔbaan aatork, tii Uwumbɔr. Nee aapuwɔb le u ŋa njim tii waaninkpiib mɔmɔk.

2 Bibɔrb 25:27

Libiln li ponn ni Efil‑Merodak nan jin Babiloŋ aatiŋ aanaan na, u nan san Juda yaab Aabɔr Jehoyachinn kinimbaak le ki nyan u kiyondiik ni. Nimina nan ŋa baah nan chuu Jehoyachinn buen tinaagbiir ni pu na aabin piitaa ni lilolole aaŋmapiik ni ilee aawiin moninko ni ilole daal la.

Esta 1:3

Waah nan jin nnaan ki nan saa libiln tatar ni na, u nan ŋa njim sakpem tii waaninkpiib bi lik waanaan na. Pesia ni Media aatɔb aajab nan bi nima, ki kpee biyidam ni bininyuum bi bi ŋipepel nkub ni moninko ni ŋilole na mu.

Job Aagbaŋ 3:1

Kookoo le Job ti waar umɔb, ki puun lii nwiin mundaal bi nan ma u na pu.

Ilahn 105:19

ki ti saa n‑yoonn mu u nan puu ke tiwan ni ga ŋa na gbiin kina. Uwumbɔr aamɔboln nan mɔk ke u sil ye ubamɔndaan.

Jeremia 52:31

Libiln li ponn ni Efil Merodak nan jin Babiloŋ aanaan na, u nan san Juda Aabɔr Jehoyachinn kinimbaak ki nyan u kiyondiik ni. Nimina nan ŋa baah nan chuu Jehoyachinn buen tinaagbiir ni pu na aabin piitaa ni lilolole aaŋmapiik ni ilee aawiin moninko ni iŋmu daal la.

Matiu 14:6

Le Herod aamaaldaal aawiin fuu ni. Le u ŋa tijiir ke bi ji. Le Herodias aabisal dan nan waa liwaal, Ubɔr Herod ni waanib aanimbiin ni. Le ni mɔɔr Herod sakpen.

Matiu 25:19

“Ni joo cha ki ti yunn, le bitutum ngbaan aadindaan fuu ni, ki ban u lik bimɔk aah tun pu na.

Tibɔnyaan ti Mak ŋmee ti na 6:21

Le Ubɔr Herod aamaal aawiin daal nan fuu. Le u ŋa tijikaar pam, ki yin bininyuum, ni waajab aaninkpiib, ni Galilee aatiŋ aaninkpiib ke bi dan nan ji.