Mpiin 4:7 - Uwumbɔr aagbaŋ

⁷ Aa yaa kaa ba tun titunwanbir kan, maan pak saapiin aa? Tɔ, saah tun taani na, titunwanbir si gbɔk si, ki ban ti di si ŋa taanaagbiija, see aa nyaŋ ti.”

Mpiin 4:7 Iomraidhean Croise

Mpiin 19:21

Le Uwumbɔr aatuun ngbaan giin bui u ke, “Tɔ, ni ŋan, m kii kina. Maan bii kitiŋ ngbaan ma.

Mpiin 3:16

Le Uwumbɔr bui upii ke, “Aa ga kan falaa pam timal ponn ni. Ni ki kpee na, aa ga li ban ke aachal li gee si, le u ga li ye saayidaan.”

2 Samuel 24:23

Arauna nan di ni mɔmɔk tii ubɔr, le ki bui u ke, “Aadindaan Uwumbɔr gaa saatork.”

2 Bibɔrb 8:28

Ubɔr Ahasia nan ti kpee Israel yaab aabɔr Joram pu, le bi faa Siria yaab aabɔr Hasael butɔb. Bijab ngbaan nan ti di biyil kpaa tɔb Ramof aatiŋ ki bi Gilead aatiŋ pu na ni la, le Joram nan kan titotonn butɔb ngbaan ni.

Job Aagbaŋ 11:14

Nyan titunwanbir, ni taani saachiln ni,

Job Aagbaŋ 11:15

ki ki di ntaakpab pɔɔn, ni linimaln tii dulnyaa,

Job Aagbaŋ 29:4

N‑yaayoonn ngbaan le m nan ye uwankpadaan na, le Uwumbɔr aajɔtiik nan lik maadichal pu.

Job Aagbaŋ 42:8

Tɔ, dandana chuu man inaaja ilole ni ipihja ilole ki di buen Job chee, ki ti toor kitork tii nibaa pu. Job ga mee limeel tii nimi, le m ga kii waameel, ki taa jinn nimi inimɔɔn naah ŋeer pu na. Naa len ibamɔn m pu ke waah len pu na.”

Ŋiyataŋak 18:5

Naa ŋan ke aa kpee unii u jin libɔkpol na pu, ki cha unii u aabɔr ŋan na lann waabamɔn.

Ŋiyataŋak 21:27

Uwumbɔr aa gee titunwanbirdam aah toor kitork ki tii u na la. Waah nan ki sakpen na le ye kitork ki bi kpa tilandakwanbir bisui ni ki toor na.

Jeremia 3:12

U nan bui mi ke m buen ki ti bui Israel yaab ke, “Israel yaab bi nyan mpuwɔb na, gir ni m chee man. M ye unimbaasaln la, le maaŋuul aan fii; maaŋuul aan fii ni pu ki ti saa n‑yoonn mu kaa kpa ndoon na.

Jeremia 6:20

Ntafal aa bi tulalee aayon mu nyan ni Seba, aan bi joo nan tii mi na, kaa bi tulalee mam bi nyan ni dandar na ni. Maan gaa baapiin, ni kitork ki bi joo tii ni mi na.

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Malakai 1:10

Uwumbɔr Mpɔɔnsakpiindaan ki bui ke, “M ba neen ke ni ponn ni ubaa laŋ Maadichal aajaaleŋ tiib, aan ni taa ki ŋmaa koo ki ti tuur mmii mu kaa kpa tinyoor tibaa na maatork aabimbiln paab. Nsui aa piin ni pu; maan gaa ipiin i ni joo nan tii mi na.

Malakai 1:13

Ni bui le ke, ‘Ti kpaan bak nimina pu a,’ le ki fenn nimɔfal toŋ nibaa wɔb. Naah sun kiwakork ki na, bee ki bun na, bee kitaal koo na, le ni joo toor kitork tii mi. Ni dak ke m ga gaa nimina ni chee ee?

Malakai 1:8

Buyoonn ni joo ni kiwakork ki jɔb, bee ki bun, bee ki aataal koo na nan toor kitork tii mi na, ni dak ke taani ubaa aa bi ii? Di kina aawakork tii nimi aayidaan man ki lik. Ni dak ke kina aawakork ga li piin usui ii? U ga faar nimi aapiin ngbaan ki ter nimi ii?”

Nkahm 32:23

Ni mu yaa kaa ŋa naah puu pu na kan, m sur nimi la, ni ga tun titunwanbir Uwumbɔr chee, le u ga sil daa nitafal.

Lituln 10:35

Ŋinibol mɔmɔk ponn ni, unii yaa bi, ki pak Uwumbɔr ki tun lituln li ŋan na kan, u piir Uwumbɔr aasui.

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

Rom Yaab 14:18

Unii u dii Kristo ki bi kina na, u ga piir Uwumbɔr aasui. Binib mu ga pak u.

Rom Yaab 15:16

ki ŋa mi Yesu Kristo aatutunn ke m tuk binib bi kaa ye Juu yaab na Uwumbɔr aabɔnyaan, ki di bi tii Uwumbɔr, ke kitork na. Waafuur Nyaan le ŋa bi chain ke bi piir usui.

Rom Yaab 6:12

Nima pu na, ni taa ki cha titunwanbir li joo nimi aawon ti ga kpo na, ki taa ki kii tii tiwon aah ban pu na.

Rom Yaab 6:16

Aa yaa di aabaa tii unii aan ki kii waamɔb kan, aa ye waanaagbiija la. Naa bee kina aa? Aa yaa kii tii titunwanbir kan, aa ye titunwanbir aanaagbiija la, le ki ga kpo. Aa yaa kii Uwumbɔr aamɔb kan, u ga bui ke saabɔr ŋan.

Efesusi 1:6

Waabogeehn pu le u ŋa tinyoor sakpen ŋa ti pu, nima le ti pak u ki nyuŋni u waabulchinn sakpenn pu.

1 Timoti 5:4

Ukpopii mu yaa kpa mbim, bee u ti ki kpa yaabitiib le kan, ni ŋan ke bi bae Uwumbɔr aah ban ke bi ter baachiln ni aanib pu na, ki teen binatiib, ni biyaatiib, baah nan kpiin bi pu na; ba pu? nima le piir Uwumbɔr aasui.

Hiibru Yaab 11:4

Abel nan gaa Uwumbɔr ki kii, nima le cha u nan toor kitork ki ŋan ki jer ukpel Keenn aah toor pu tii Uwumbɔr na. Waah gaa Uwumbɔr ki kii pu na, le Uwumbɔr len ke waabimbin ŋan, le ki gaa waah toor kitork ki tii u na. U kpo, le waah gaa Uwumbɔr ki kii pu na pu, u beenin len.

Jemisi 1:15

Kikpeek yaa dek lipuul kan, ki maa titunwanbir la; titunwanbir yaa chikr kan, ti maa nkun la.

1 Piita 2:5

Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.