Mpiin 4:4 - Uwumbɔr aagbaŋ

⁴ Le Abel mu nan lik waapiih ponn ni waapihninkpel aah pue ma njan aapihbo u na, ki di toor kitork, ki di tinann ti kpa nkpan na ki tii Uwumbɔr. Le Uwumbɔr pak Abel ni waapiin,

Mpiin 4:4 Iomraidhean Croise

Mpiin 15:17

Buyoonn nwiin nan lir, ni bɔnn doo na, le kiŋulk ki kpa iŋmanyuu ni mmiigaal na nan nyan ni, ki jer tiwakor na aanann aakaasisik ni.

Mpiin 4:3

Le n‑yoonn mubaa, Kainn nan chee waajikaar, ki joo ni waajikaar ngem, ki nan tii Uwumbɔr ipiin.

1 Bibɔrb 18:24

Le ni cha liwaal Baal aawaadam mee baawaal, aan m mu mee Uwumbɔr, aan udaan u kii ki cha mmii sunn ni na, uma le ye Uwumbɔr.” Le binib ngbaan kii ni kookoo jɔk jɔk.

1 Bibɔrb 18:38

Le Uwumbɔr cha mmii sunn ni, ki nan wun kitork ngbaan, ni idɔ, ni ŋitakpal, ki kuur kitiŋ kpan kpan, le nnyun mu dɔ libuul na ponn ni na foor pel pel.

1 Bibɔrb Aabɔr 21:26

U nan maa kitork aabimbiln tii Uwumbɔr nima, ki toor kitork ki bi ga di see mmii ni na, ni kimɔbaan aatork mu. U nan mee Uwumbɔr, le Uwumbɔr nan kii waameel ngbaan ki cha mmii nyan ni paacham ki nan wun kitork ngbaan, libimbiln ngbaan paab.

2 Bibɔrb Aabɔr 7:1

Ubɔr Solomonn aah mee waameel doo na, le mmii nyan ni paacham ki nan gaa kitork ki bi toor tii Uwumbɔr na. Le Uwumbɔr aawiihn mu moor ki deer ŋinimbil ni na gbiin Uwumbɔr Aadichal ngbaan.

Ilahn 20:3

U gaa saatork mɔmɔk, aan saatork mɔmɔk piin usui.

Nnyam 13:12

see ni di njan aabijabo mɔk ki di tii Uwumbɔr. Le tiwakor mu aajan aabo ni ye uja na mu ye Uwumbɔr yaan la,

Ŋiyataŋak 3:9

Di saajikaar ti ŋan na tii Uwumbɔr ipiin ki li pak u.

Ulandaan 4:4

M nan ki bee naah ŋa pu aan binib nyani kitotoŋ sakpen ke bi li kpa na; nima le ye ke bi kpa biŋeen aatɔtiib pu lipiipoln. Tɔ, ni mu ye fam la. Ni bi ke unii aah san dii libuln pu na la.

Liifai Yaab 9:24

Libuul ngbaan ni, le Uwumbɔr cha mmii nyan ni paacham ki nan wun kitork ki bi ban bi di see mmii ni na aapiin, ni nkpan, libimbiln paab. N‑yoonn mu binib ngbaan kan kina na, le bi teen mpɔɔn pu, ki tar lir kitiŋ lichichikr.

Nkahm 16:15

Moses nan gee liŋuul sakpen, le ki bui Uwumbɔr ke, “Binib bee yaa joo ni baapiin kan, taa gaa i. Maa ŋa bi taani ubaa, ki mu aa gaa baabon ubaa.”

Nkahm 16:35

Le Uwumbɔr nan cha mmii nyan ni, ki nan wun bijab ikui ilee ni piiŋmu bi nan joo ni tulalee aayon waabimbiln chee na.

Nkahm 18:12

“M di tiwanyaan ni Israel yaab kan ki nyan baasar ni, ŋibin mɔmɔk ni, aan bi di tii mi na, tii si; tiwan ngbaan sɔ: olif aakpan, ni ŋisubil aadaan, ni njikaabim.

Nkahm 18:17

Tɔ, njan aanaabo, ni upihbo, ni uŋobo ma kan, ni taa cha bi ki gir daa ti; tiwakor ngbaan ye min yaan la, aan bi li joo toor kitork tii mi. Ni di taasin gbaa kitork aabimbiln, aan ki di tiponn ni aakpan see mmii ni, aan ni li ye tijikaar aapiin tii mi; kitork ngbaan nu mɔ m chee.

Hiibru Yaab 11:4

Abel nan gaa Uwumbɔr ki kii, nima le cha u nan toor kitork ki ŋan ki jer ukpel Keenn aah toor pu tii Uwumbɔr na. Waah gaa Uwumbɔr ki kii pu na, le Uwumbɔr len ke waabimbin ŋan, le ki gaa waah toor kitork ki tii u na. U kpo, le waah gaa Uwumbɔr ki kii pu na pu, u beenin len.

Hiibru Yaab 9:22

Nkaal ngbaan aah dii pu na, bi yaa nan ban ke bi ŋa tiwan chain kan, see bi di nsin yɔk yɔk ni pu le ki ŋa ni chain. Nsin yaa kaa nyan kan, Uwumbɔr aan di cha pinn titunwanbir.

Tibɔkpiirkaan 13:8

Le dulnyaa ni aanib bimɔk aayimbil aa ŋmee Uwumbɔr Aapihbo u bi nan ku u na aamɔfal aagbaŋ ni buyoonn Uwumbɔr aa nan kee naan dulnyaa wee na ga dii upeel ngbaan.

Bibɔjirb 6:21

Le Uwumbɔr aatuun ngbaan di waah joo lidabil li na meeh tinann ngbaan, ni boroboro ngbaan. Mmii nan nyan ni litakpal ngbaan ni, le ki wun tinann ni boroboro ngbaan. Le ntuun ngbaan wɔŋ.

1 Samuel 15:22

Le Samuel bui u ke, “Uwumbɔr tee gee nilani: aa kii waamɔb, bee aa toor kitork tii u? Ni ŋan ke aa kii waamɔb ki jer ke aa di ipiih i ŋan na toor kitork tii u.