Mpiin 4:14 - Uwumbɔr aagbaŋ

¹⁴ Aa nyan mi kitiŋ kee pu a, le ki chuu paar aaŋaal m pu. Maan ki li kpa maah ga koo nin chee na. Le maah ga li ye uchayiin pu na, unii umɔk kan mi na ga ku mi.”

Mpiin 4:14 Iomraidhean Croise

Mpiin 3:24

le ki di tiwanfuurkaan ni kpa ifeen na, ki di siin kisaak ngbaan aawipuul wɔb, le ki di mmiigaal mu naahn kijuk ki fenni ŋipepel mɔmɔk na, ki kiir kisaak ngbaan. Nima kan, unii ubaa aan ki pii limɔfal aasub chee.

Mpiin 4:13

Le Kainn bui Uwumbɔr ke, “Aa daa ntafal ki ti chaar jer a.

2 Samuel 14:7

Tɔ, maaninkpel, maanib mɔmɔk fenn lir m pu, ki ban ke m di njapɔɔn uken na tii bi, aan bi ku u mu teen. Bi yaa ŋa kina kan, maan ki li kpa ubijabo. Bi ga kuln maakookoo aamakl, le nchal aan ki li kpa ubijabo u ga cha waayimbil li beenin bi na.”

Ilahn 109:10

Cha waabim kpaln biwanmeeb bi kaa kpa do na; Cha bi jenn nyan bi baah koo tilangbenn ti ponn ni na.

Ilahn 109:12

Taa cha ubaa li kpa u pu tiŋann, ki taa cha ubaa kpiin waakpobim bi gaar puwɔb na.

Ilahn 143:7

Uwumbɔr, ŋun maayim dandana wee, maa ki kpa ntaakpab pɔɔn mubaa. Taa di aabaa bɔr mi, ni yaa kaa ye kina kan, m ga li gur kpaan binib bi bi kitekpiitiŋ ni na chee la.

Ŋiyataŋak 14:32

Bibiindam le joo baatunwanbir kulni baamɔfal, le bininyaam ma kpa limakl nkun ni.

Ŋiyataŋak 28:1

Ubaa yaa kaa san dii ubiindaan kan, u san la, le uninyaan ma kaar ke uchinn na.

Aisaya 8:22

bee bi si lik kitiŋ, kaan li waa nibaa see falaa ni mbɔmbɔɔn ŋmeen, mbɔmbɔɔn mu kpa ijawaan aan bi cha bi ti koo mu ni na.

Jeremia 52:3

Uwumbɔr aaŋuul nan fii Jerusalem ni Juda aanib pu, le u kuln bi pel pel. Sedekia nan nyan Babiloŋ Aabɔr Nebukadnesar aapuwɔb,

Hosea 13:3

Kina pu le binib ngbaan ga wɔŋ ke kichakpiik ni aakpakpal na, ki wɔŋ ke limaln li wɔŋni kichakpiik ni na. Bi ga fii buen ke libuln aah daar kimook lipaal pu cha na la, ki naahn iŋmanyuu aah nya kidadiik aadipimoor ni pu na.

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Liifai Yaab 26:36

“Nimi bi ga li bi tinaagbiir ni, ntiyayam ni na, m ga cha ijawaan chuu nimi sakpen, hali libuln yaa daa kifark aan ki dam kan, ni ga san. Ni ga san ke baah san dii nimi butɔb ponn ni le na. Nimi aadim aan li bi ni chee, le ni lir kitiŋ.

Nkahm 35:19

Linikpol ngbaan aado aanii kpa nsan ke u ku u teen. U yaa pii u kan, u ku u.

Nkahm 35:21

bee u yaa di linyakaakul le faa ku u kan, u ye unikur la, le ni ŋeer bi ku u. Linikpol ngbaan aado aanii kpa nsan ke u ku u teen. U yaa pii u kan, u ku u.

Nkahm 35:27

aan linikpol ngbaan aado aanii yaa pii u ki ku u kan, waa kpa taani.

Matiu 25:41

“Le m ga bui binib bi si ŋŋangan wɔb na, ‘Nimi bi Uwumbɔr puun lii ni pu na, nya m chee man, ki ti koo mmii mu kaan junn, aan Uwumbɔr nan tuur siin kinimbɔŋ ni kaawanbir mɔmɔk na.

Matiu 25:46

Le bi ga kan ntafadaan n‑yoonn mu kaa kpa ndoon na. Le bininyaam ngbaan ga kan limɔfal li kaa kpa ndoon na.”

Ikaal 28:64

“Uwumbɔr ga cha ni yaa buen ŋinibol ŋiken mɔmɔk ponn ni, ki di ti nya dulnyaa aapepel libaa ki ti ker liken, nima chee le ni ga doon ŋitakpal ni idɔ aawaa ŋi nimi ni niyaajatiib aa nan nyi dooni ŋi na.

Ikaal 28:65

Le naan kan nsuudoon nibaa chee, ki mu aan li kpa nibaa aatiŋ. Uwumbɔr ga cha nisui bii, le nitaakpab yɔl, le naan li kpa nterm nibaa chee.

2 Tesalonika 1:9

Tidindaan ga nyan bi unimbiin ni, waapɔɔn ni waawiihn sakpiin chee. U ga daa bitafal, ki cha bi ji falaa n‑yoonn mu kaa kpa ndoon na.