Mpiin 39:9 - Uwumbɔr aagbaŋ

⁹ M kpa mpɔɔn lichiln limina ponn ni ke m ŋa maah ban pu na, see sin upuu baanja le maa ŋmaa ŋa nibaa aa chee. Ba ŋa aa ban ke m tun kidagook aatuln li ye titunwanbir na Uwumbɔr aanimbiin ni?”

Mpiin 39:9 Iomraidhean Croise

Mpiin 13:13

Ntim ngbaan aanib nan ye titunwanbirdam la, le ki tun ni kaa ŋan na Uwumbɔr aanimbiin ni.

Mpiin 20:3

Kinyeek kibaa daal le Uwumbɔr nan dan ubɔr ngbaan chee tidaŋ ni, le ki bui u ke, “M ga ku si; saah yoor upii u na kpa chal.”

Mpiin 20:6

Le Uwumbɔr nan giin mɔk u tidaŋ ni ke, “Mbamɔn, m nyi ke saah ŋa pu na, saa kpa taani, nima pu le maa kii ke aa doon u chee aan ki taa li kpa taani m chee.

Mpiin 20:9

Le Abimelek yin ni Abraham le ki nan baa u ke, “Ba ŋa aa ŋa timi kina? M ŋa si ba aataani aan aa tɔŋ timi ke ti tun titunwanbir aan tibɔbir lir m ni maanib pu? Saah ŋa mi pu na, naa ŋan ke unii ŋa kina.

Mpiin 24:2

U nan bui waanaagbiijapol u lik waatuln mɔmɔk na, ke u di uŋaal ŋa uma Abraham aataapaln taab, ki puu tipuur ke,

Mpiin 39:10

Idaa mɔmɔk, upii ngbaan nan muk Josef ke u doon u chee, le u ti yii.

Mpiin 41:40

M ga di sin le ŋa maatiŋ kee aaninkpel, le maanib mɔmɔk ga kii saah len pu na mɔmɔk. Sin le ga li paa m pu kitiŋ kee ni.

Mpiin 42:18

Nwiin tatar daal, le Josef bui bi ke, “M ye unii u san Uwumbɔr na la, m mu ga siin nimi tibɔr tibaa le ki nyan nimi lii.

2 Samuel 11:27

Waah wii uchal aakpuul doo na, le David cha bi ti bui u ke u dan libɔrdichal ni; le u nan kpaln upuu ki ma ubijabo tii u. Tɔ, Uwumbɔr aasui aa nan piir David aah ŋa pu na pu.

2 Samuel 12:13

Le David bui ke, “M tun Uwumbɔr titunwanbir.” Le Natann gar u ke, “Uwumbɔr di cha pinn si, saan kpo.

Nehemia 5:15

Biyidam bi mɔmɔk nan kal aan m nan paan bi pu na, nan ye limukl le ki tii binib ngbaan, ki nan gaal tikur aamombil imonko ilee le nwiin mubaa, ke baajikaar ni ndaan le na. Hali baatutum mu nan muk binib ngbaan la. Le mma aa nan ŋani kina; ba pu? m san Uwumbɔr la.

Nehemia 6:11

Le m gar u ke, “Maa ye uja u aaboln san ki ti bɔrni na. Aa dak ke m ga san ti bɔr Uwumbɔr Aadichal ponn ni ke m ŋmar aa? Maan ŋa kina kpala.”

Job Aagbaŋ 31:23

Maah san Uwumbɔr aatafadaan na, maa nan ŋa kina aawan daalbaadaal.

Ilahn 51:4

M tun si titunwanbir, sin baanja le m tun titunwanbir, ki ŋani tiwan ni ye aa chee tibir na, kina pu na, aa yaa jin mi tibɔr kan, ni ŋan, aa kpa mbamɔn ke aa bui ke maabɔr bii.

Nnyam 20:14

“Aa taa gɔr kidagook.

Ŋiyataŋak 6:29

Aa yaa ban aaŋeen aatɔ aapuu kan, ni mu bir kina la. Unii umɔk ŋa kina na ga ji falaa.

Ŋiyataŋak 6:32

Uja umɔk gɔr kidagook na aa kpa nlan kpala. U bi bii ubaa la.

Ulandaan 7:26

M nan bee ke upii u kaa ŋan na cho jer nkun. Ngeehm mu u ga di tii si na ga chuu si ke gaawɔb, bee kipɔɔk aah ga chuu si pu na la. Le uŋaal aah kpal si pu na ga chuu si ke tikululn na. Uja u Uwumbɔr aasui piin u pu na ga ŋmar u chee, le u ga chuu utunwanbirdaan ma.

Jeremia 28:16

Kina pu na, Uwumbɔr ubaa len ke u ga ku si. Saah bui binib ngbaan ke bi yii Uwumbɔr aamɔb na, aa ga kpo waahr aan libiln lee nin jer.”

Jeremia 50:7

Unii umɔk kan bi na kan, u tak bi la. Baadim len le ke, ‘Bi tun Uwumbɔr le titunwanbir, kina pu na, taah ŋa bi pu na aa bir. Biyaajatiib nan kii tii Uwumbɔr, bi mu ba ga li bi u chee kina.’

Liifai Yaab 20:10

Ubaa yaa koo ti doon uŋeen aatɔ Israel aanii uken aapuu chee kan, ni kpaan ki ku uja ni upii ngbaan mɔk bilee.

Liifai Yaab 6:2

Ubaa yaa yii, kaa giin uŋeen aatɔ aah di tiwan ni tii u, u di bil na, bee u yaa sun waawan nibaa, bee u jin u pem pem,

Nkahm 32:23

Ni mu yaa kaa ŋa naah puu pu na kan, m sur nimi la, ni ga tun titunwanbir Uwumbɔr chee, le u ga sil daa nitafal.

Tibɔnyaan ti Luk ŋmee ti na 12:48

Ututunn u kaa nyi udindaan aah ban pu na, ki tun lituln li ŋeer ŋinaalab aagbaan na kan, bi ga gbaa u siib la. Uwumbɔr yaa tii unii nlan sakpen kan, u ga li ban ke u di nlan ngbaan tun litunyaan jer biken. Uwumbɔr yaa tii unii tininkpir kan, u ga li ban ke udaan ngbaan tun ki jer biken aah tun pu na.”

1 Korenti 4:2

Bi yaa di tiwan ŋa unii aaŋaal ni kan, ni ŋan ke u ŋa ni mbamɔm.

Taitus 2:10

ki taa su baawan, ki li bi mbamɔm tiwan mɔmɔk ni. Bi yaa bi kina kan, baabimbinyaan ga mɔk binib ke Uwumbɔr u gaal timi lir na aasan le ŋan.

Hiibru Yaab 13:4

Tɔ, chatiib ni puutiib, ni li nyi ke Uwumbɔr le di nimi kpaan, ki li pak kina, ki taa gɔr kidagook man. Binib bi chuun bɔɔni na, ni binib bi chuun gɔr kidagook na, Uwumbɔr ga ji bi tibɔr.

1 Jɔnn 3:9

Unii umɔk ye Uwumbɔr aabo na, Uwumbɔr aabimbin bi u ni. Nima pu, waan ki li beenin tun titunwanbir. Ute le ye Uwumbɔr. Nima pu, waan ŋmaa dii titunwanbir aasan.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.