Mpiin 39:3 - Uwumbɔr aagbaŋ

³ le uninkpel ngbaan kan ke Uwumbɔr le bi Josef chee ki cha u ŋani tiwan mɔmɔk deedee, kaa kpa ngalm.

Mpiin 39:3 Iomraidhean Croise

Mpiin 21:20

Ubo ngbaan aah nan bi muun ni na, Uwumbɔr nan bi u chee. U nan bi Parann aateersakpiin ni, le ki ŋa ukpakpaan.

Mpiin 21:22

N‑yoonn ngbaan le Abimelek ni waajab aaninkpel u bi nan yin u ke Fikol na, nan buen Abraham chee ki ti bui u ke, “M nyi ke Uwumbɔr bi aa chee ki ter si n‑yoonn mɔmɔk.

Mpiin 21:23

Nima pu na, puu Uwumbɔr aanimbiin ni ke saan ŋmann mi, bee maabim, bee n‑yaabitiib. M si aachaŋ ni pam, aa mu puu ke aa ga li si nchaŋ ni, ni kitiŋ kimina aanib pu.”

Mpiin 26:24

Kinyeek ngbaan le Uwumbɔr nan bui u tidaŋ ponn ni ke, “Min le ye aate Abraham Aawumbɔr. Taa li san ijawaan; m bi aa chee. M ga ŋa tinyoor ŋa aa pu, ki cha aa maa pɔr, ki li kpa yaabitiib sakpen, ke maah nan puu tii maatutunn Abraham pu na.”

Mpiin 26:28

Bi nan giin bui u ke, “Dandana wee ti bee ke Uwumbɔr bi aa chee, le ti ban ke ti ni si ŋa kimɔbaan. Ti ban ke aa puu ke

Mpiin 30:27

Le Labann nan bui u ke, “Cha m len tibɔr tee. M baal, ki ŋun ke si pu le Uwumbɔr ŋa m pu tinyoor.

Mpiin 30:30

Saapiih siib i aa nan kpa aan m fuu ni na, aa kan ke i pɔr sakpen, le m yaa di i buen nimɔk na kan, Uwumbɔr ŋani tinyoor ŋani i pu. Dandana wee, n‑yoonn fuu ni ke m mu ban mbaa yaan.”

Mpiin 39:2

Le Uwumbɔr nan bi Josef chee ki cha u tun lituln mbamɔm. Le u nan bi Ijipt aaninkpel ngbaan do,

Mpiin 39:21

Tɔ, Uwumbɔr mu nan bi Josef chee ki ŋa u pu tinyoor; nima pu na, unaagbiijool u nan joo bi na nan gee Josef aabɔr pam,

Mpiin 39:23

Uwumbɔr aah nan bi Josef chee aan u tun lituln mbamɔm pu na, unaagbiijool ngbaan aa ki muk ubaa lituln li u di ŋa Josef aaŋaal ni na pu.

2 Bibɔrb 18:7

Kina pu na, Uwumbɔr nan bi u chee, le u nan nyaŋni tiwan ni mɔmɔk u nan ŋa na ni. U nan nyan Asiria aatiŋ aabɔrkpaan aapuwɔb, ki yii kaa di ubaa tii u.

1 Bibɔrb Aabɔr 22:13

Aa yaa dii ikaal i mɔmɔk Uwumbɔr nan di tii Moses ke u di tii Israel yaab na kan, aa ga nyaŋ. Cha aanimbil li man ki li si chob, ki taa san nibaa ijawaan.

1 Bibɔrb Aabɔr 9:20

Eleasar aajapɔɔn Fineas nan lik baatuln pu n‑yoonn mbaa, le Uwumbɔr nan bi u chee.

2 Bibɔrb Aabɔr 1:1

Ubɔr David aajapɔɔn Solomonn nan ye Israel aanaan aabɔrkpaan la, le Udindaan Uwumbɔr nan ŋa tinyoor ŋa u pu ki tii u mpɔɔn sakpen.

2 Bibɔrb Aabɔr 26:5

N‑yoonn mumɔk Sekaria, u nan ye Uwumbɔr aadidiir, ki ye waasusur na nan bi limɔfal ni na u nan tun Uwumbɔr aageehn mbamɔm. Le Uwumbɔr nan ŋa u tinyoor.

Nehemia 2:20

Le m gar bi ke, “Uwumbɔr u bi paacham na ga tii timi taah ban pu na. Timi le ye waanaagbiib, le ki ga piin ki maa. Le nimi aa kpa nsan ni ji Jerusalem aafaal libaa, kaa bi kaakaal mu ni.”

Ilahn 1:3

Bi naahn isui i si gbɔk nkpen na la; i lu ŋisubionn mu ŋeer na la, le yaafar aa kuur. Bi kani tinyoor baatuln mɔmɔk ni.

Sekaria 8:23

N‑yoonn ngbaan kan, biwɔwɔm kipiik ga dan nan bui Juu aanii ubaa ke, ‘Ti ban ke ti nan kpaan saanaan ni la, ba pu? ti ŋun ke Uwumbɔr bi ni chee.’”

Matiu 5:16

Ni li bi kina man. Cha binib mɔmɔk kan nimi aawiihn aah wiin pu na, aan bi kan nimi aatunyaan aan ki pak Nite Uwumbɔr u bi paacham na.”

1 Korenti 16:2

Likpaakool daal mɔmɔk, ni mɔmɔk aah kan tinyoor pu na, ni di ngem bil, ki li kii buyoonn m ga labr ni na. Nima kan, m yaa nan fuu ni kan, naan ki piin ki li too ŋimombil.

Ikaal 2:7

“Ni teer man Nidindaan Uwumbɔr aah ŋa tinyoor ŋa ni pu nimi aatuln mɔmɔk ponn ni pu na. Naah nan chuun yiini nteersakpiin ponn ni pu na, le u kii nimi, ki joo nimi mbamɔm. Ŋibin imonko ilee ŋimina ponn ni, uma le joo nimi, le ni kan tiwan nimɔk ni ban na.

Josua 1:9

Teer ke m tuk si ke aa pɔɔn aabaa ki li kpa lipobil. Taa san ijawaan, ki taa cha aawon yɔl. Min, Aadindaan Uwumbɔr ma kan, m ga li bi aa chee saah cha nin chee na mɔmɔk.”

Tibɔkpiirkaan 3:9

M ga cha kinimbɔŋ aanib bi mɔn nnyamɔn ke bi ye maanib, kaa ye na, dan ni chee ki nan gbaan kitiŋ ninimbiin ni, ki bee ke m gee nimi la.

1 Samuel 18:14

ki kani linyaŋ tiwan nimɔk u ŋa na ponn ni; ba pu? Uwumbɔr nan bi u chee.

1 Samuel 18:28

Sɔɔl nan bee ke Uwumbɔr bi David chee, le ubisal mu ki gee u.

1 Samuel 3:19

Samuel aah chikr cha na, le Uwumbɔr nan bi u chee ki cha Samuel aah len pu na mɔmɔk gbiini kina.