Mpiin 38:5 - Uwumbɔr aagbaŋ

⁵ Le u ki dek ki ma ubijabo uken ki yin u mu ke Sela. Juda aah nan bi Aksib aatiŋ ni buyoonn na, le u nan ma ubo ngbaan.

Mpiin 38:5 Iomraidhean Croise

Mpiin 38:11

Le Juda bui ubipuu Tamar ke, “Gir buen aate do ki ti li bi nima, ki li ye ukpopii, ki li kii njapɔɔn Sela aah ga nan ŋa unii buyoonn na.” U nan dak ke Sela mu ga kpo ke ukpetiib na la. Nima pu na, Tamar nan kun ute do.

Mpiin 38:26

Libuul ngbaan ni, le Juda bee ke uma le yeh tiwan ngbaan mɔmɔk, le ki bui ke, “Upii ngbaan kpa mbamɔn, min le galn, ni ba ŋeer m di u tii njapɔɔn Sela, u kpan u.” Juda aa nan ki doon u chee.

Mpiin 38:6

Juda nan din upiibo, u bi yin u ke Tamar na, ki tii ujapɔpol Er.

Mpiin 46:12

Ujapɔɔn Juda aajapɔtiib aayimbil sɔ: Sela, ni Peres, ni Sera. Juda aajapɔtiib Er ni Onann nan kpo Kanaann aatiŋ ni a. Peres aajapɔtiib le nan ye Hesronn ni Hamul.

1 Bibɔrb Aabɔr 2:3

Juda aajapɔtiib nan ye biŋmu la. U ni upuu Bafsua, u nan ye Kanaann aanii na, nan ma mbijabim mutaa la. Baayimbil le nan ye Er, ni Onann, ni Sela. Ujapɔpol Er nan tun titunwanbir sakpen, le Uwumbɔr ku u.

1 Bibɔrb Aabɔr 4:21

Sela nan ye Juda aajapɔtiib ponn ni ubaa la. Uyaabitiib bibaa le nan ye Er, u nan naan Leka aatiŋ na; ni Laada, u nan naan Maresa aatiŋ na, ni ntaŋaal mu nan luu ŋitanyaan aakeken ki nan koo Bef Asbea aatiŋ ni na;

Nkahm 26:19

Juda aanibol ponn ni aamaal aanib le nan ye Sela, ni Peres, ni Sera, ni Hesronn, ni Hamul aataŋaal. Juda aajapɔtiib bilee bi bi nan yin bi ke Er, ni Onann na, bima nan kpo Kanaann aatiŋ ni la.