Mpiin 38:29 - Uwumbɔr aagbaŋ

²⁹ U nan ki daa uŋaal ngbaan kɔn una aaponn ni, le uken na tee ki puen u nyan ni. Le umamaan ngbaan bui ke, “Aa ber mpɔɔn ki puen aakpel ki nyan ni mala kina la aa?” Nima pu na, bi nan yin u ke Peres.

Mpiin 38:29 Iomraidhean Croise

Mpiin 38:28

Buyoonn imalween nan joo u na, le bijaam ngbaan ubaa di uŋaal mbaa pue loln ni nsan ki nyan ni, le umamaan chuu uŋaal ngbaan ki di kikokomaŋ gbin mu, le ki bui ke, “Umina le puen nyan ni lipaal.”

Mpiin 46:12

Ujapɔɔn Juda aajapɔtiib aayimbil sɔ: Sela, ni Peres, ni Sera. Juda aajapɔtiib Er ni Onann nan kpo Kanaann aatiŋ ni a. Peres aajapɔtiib le nan ye Hesronn ni Hamul.

1 Bibɔrb Aabɔr 2:4

Juda nan ma ujapɔɔn aapuu Tamar chee mbijabim mulee kpee. Bima le nan ye Peres ni Sera.

1 Bibɔrb Aabɔr 9:4

Juda aanibol ni yaab bi nan ti koo Jerusalem ponn ni na nan ti kpaan binib ikui iloob ni imonko inaa ni kipiik la. Juda aajapɔɔn Peres aayaabitiib aasaloln le nan ye Amihud aajapɔɔn Utai. Uyaaja le nan ye Omri. Uyaajatiib biken le nan ye Imri ni Bani. Juda aajapɔɔn Sela aayaabitiib mu aasaloln le nan ye Asaya. Uma le nan ye waadichal aayidaan. Juda aajapɔɔn Sera aayaabitiib aasaloln le nan ye Jewel.

Nehemia 11:4

Usia aajapɔɔn Ataya u aayaaja nan ye Sakaria na; uyaajatiib biken le nan ye Amaria, ni Sefatia, ni Mahalalel. Biyaaja le nan ye Juda aajapɔɔn Peres.

Nehemia 11:6

Peres aayaabitiib bi nan ye binikpaam ki koo Jerusalem ponn ni na nan ye binib ikui inaa ni imonko itaa ni biniin la.

Matiu 1:3

Juda mu ma Peres ni Sera. Bina aayimbil le nan ye Tamar. Peres mu ma Hesronn, Hesronn mu ma Ram,

Tibɔnyaan ti Luk ŋmee ti na 3:33

Nasonn mu nan ye Aminadab aajapɔɔn, Aminadab mu nan ye Adminn aajapɔɔn, Adminn mu nan ye Arni aajapɔɔn, Arni mu nan ye Hesronn aajapɔɔn, Hesronn mu nan ye Peres aajapɔɔn, Peres mu nan ye Juda aajapɔɔn,

Ruf Aagbaŋ 4:12

Cha Uwumbɔr aah ban u tii si mbim mu upiisapɔɔn wee chee na ŋa saadichal ke Juda ni Tamar aajapɔɔn Peres aadichal na.”