Mpiin 38:24 - Uwumbɔr aagbaŋ

²⁴ Naah ti saa iŋmal itaa aayoonn na, le unii ubaa tuk Juda ke, “Aabipuu Tamar goor kidagook ki kpa lipuul.” Le Juda tii bi nsan ke, “Ni nyan u lipaal ki see mmii ku u man.”

Mpiin 38:24 Iomraidhean Croise

Mpiin 20:3

Kinyeek kibaa daal le Uwumbɔr nan dan ubɔr ngbaan chee tidaŋ ni, le ki bui u ke, “M ga ku si; saah yoor upii u na kpa chal.”

Mpiin 20:7

Tɔ, dandana wee giin upii ngbaan tii uchal. Uchal ye maabɔnabr la, le u ga mee mi tii si, nima kan, saan kpo. Tɔ, aa yaa yii, kaa di u tii uchal kan, m sur si la, aa ni saanib mɔmɔk ga kpo.”

Mpiin 20:9

Le Abimelek yin ni Abraham le ki nan baa u ke, “Ba ŋa aa ŋa timi kina? M ŋa si ba aataani aan aa tɔŋ timi ke ti tun titunwanbir aan tibɔbir lir m ni maanib pu? Saah ŋa mi pu na, naa ŋan ke unii ŋa kina.

Mpiin 34:31

Le bi nan giin bui bite ke, “Taan li ka lik aan bi jinn tininkpan inimɔɔn ke waah ye upiidagoor le na.”

Mpiin 38:23

Le Juda bui ujɔ ke, “Cha u li joo maawan ngbaan mɔmɔk. Taa ban ke binib laa timi. M pɔɔn mbaa ke m pa waapar la, le saah kaa kan u na, ni ŋeer a.”

2 Samuel 12:5

David aaŋuul nan fii uwankpadaan ngbaan pu, le u bui ke, “M puu Uwumbɔr u bi n‑yoonn mɔmɔk na pu, ke uja u ŋa kina na ŋeer nkun.

2 Samuel 12:7

Le Natann bui David ke, “Sin le ye uja ngbaan. Le Israel yaab Aadindaan Uwumbɔr bui si ke, ‘M ŋa si Israel yaab aabɔr ki gaa si lii Sɔɔl chee.

Ulandaan 7:26

M nan bee ke upii u kaa ŋan na cho jer nkun. Ngeehm mu u ga di tii si na ga chuu si ke gaawɔb, bee kipɔɔk aah ga chuu si pu na la. Le uŋaal aah kpal si pu na ga chuu si ke tikululn na. Uja u Uwumbɔr aasui piin u pu na ga ŋmar u chee, le u ga chuu utunwanbirdaan ma.

Jeremia 2:20

Tidindaan Uwumbɔr le len ke, “Israel yaab, naah yii maamɔb na, ni yunn pam; ni yii, kaa kii maamɔb, kaa dooni mi. Ni dooni ŋiwaa ŋi ni bui ke ŋi kpa timar na ŋigongon ŋi paa na pu, ni bususoom mɔmɔk taab.

Jeremia 3:1

Uwumbɔr nan bui ke, “Uja yaa yii upuu, le u yaa fii ki ti mɔn uja uken kan, waan ti ki ŋmaa gaa ni u. Nimina ga bii kitiŋ kee kookoo la. Tɔ, Israel yaab, ni kan bɔtiib pam, le ki tee ki ban ke ni gir ni m chee.

Jeremia 3:6

Josia aah nan ye ubɔr buyoonn na, le Uwumbɔr nan bui mi ke, “Aa kan Israel yaab bi bi ke bipiidagoob na aah tun pu na aa? Bi fenn bipuwɔb tii mi, le ki tun lituln ke bidagoob na ligongoln limɔk paa na pu, ni bususoom mɔk taab.

Jeremia 3:8

Juda aanibol mu nan kan ke m yii Israel aanibol, ki jenn u lii; ba pu? u nan fenn upuwɔb tii mi ki kpaln udagoor. Le Juda, u ye Israel aana aabo u nyan mpuwɔb na aa nan san ijawaan. U mu nan kpaln udagoor,

Esekiel 16:15

“Le aa nan gur joo saanyaan ni liyimbil ngbaan le doo unii umɔk dan ke u ban si na chee.

Esekiel 16:25

Aa di kininsuŋ bii saanyaan. Aa di aabaa tii unii umɔk dan ke u ban si na, le nwiin mɔmɔk kan, aa moo ŋani aabaa udagoor.

Esekiel 16:26

Aa cha aamaantɔtiib Ijipt yaab bi gee bipiib sakpen na doon aa chee, le ki di kidagook aatuln ngbaan fiin maaŋuul.

Esekiel 16:28

“Biken aah kaa lee saakpeek na, le aa san dii Asiria yaab. Sin le nan ye baapiidagoor, le bi mu aa nan lee si kikpeek.

Esekiel 16:41

Bi ga see saadichal lii, ki cha kipiipaak kan saatafadaan. M ga cha aa di cha kidagook aatuln, ki cha aa taa ki tii aabɔtiib ipiin.

Esekiel 23:19

U nan moo ŋa udagoor ki ti nyaŋ, ki ŋani ke waah nan laa ye usapɔnbo ki ŋani kidagook aatuln Ijipt aatiŋ ni pu na.

Esekiel 23:44

Bi nan gir chaa bipiidagoob ngbaan chee. Bi nan gir chaa Ohola ni Oholiba bi ye bipiininsum na chee.

Esekiel 23:5

Ohola nan ye mpuu, le ki mu beenin ye udagoor, ki neen ubɔtiib bi nyan ni Asiria aatiŋ ni na.

Hosea 3:3

M nan bui u ke u ga kal ni yunn pam, ki taa tun kidagook aatuln, ki kiir mi, le n‑yoonn ngbaan na m ga li ka kii u.

Hosea 4:15

“Tɔ, nimi Israel aanib aa kii maamɔb, Juda yaab ma taa ji kina aabɔkpol. Ni taa ki buen Gilgal, bee Bef Afenn ki ti doon mi, ki taa puu tipuur nima chee min Uwumbɔr u bi na aayimbil pu.

Liifai Yaab 20:10

Ubaa yaa koo ti doon uŋeen aatɔ Israel aanii uken aapuu chee kan, ni kpaan ki ku uja ni upii ngbaan mɔk bilee.

Liifai Yaab 21:9

Utotoor aabisal yaa ŋa ubaa udagoor kan, u jinn ute le inimɔɔn; ni see u mmii ki ku u.

Rom Yaab 14:22

Aa yaa kɔ tijikaar tibaa, bee aa yaa kaa kɔ tibaa kan, cha ni li bi aa ni Uwumbɔr chee. Unii u ji tijikaar ti ŋan u chee na, kaa galni ubaa na, u kpa mpopiin la.

Ikaal 24:16

“Uja aabim yaa ŋa bakaa kan, ni taa ku bite, waabim aatunwanbir pu; ni taa ku mbim mu, bitetiib aatunwanbir pu. Unii mɔmɔk ga kpo ubaa aatunwanbir pu la.

Bibɔjirb 19:2

Tɔ, daalbaadaal, u nan gee u pu liŋuul ki gir kun ute do Betlehem aatiŋ ni, ki ti bi nima ki ti saa iŋmal inaa.