Mpiin 38:15 - Uwumbɔr aagbaŋ

¹⁵ Juda nan ti kan Tamar ka kitiŋ ngbaan aabisamɔb chee. Waah nan di likekeln biin unimbil wɔb pu na, le u nan dak ke u ye lipiiyal la.

Mpiin 38:15 Iomraidhean Croise

Mpiin 38:14

Le Tamar fii ki kpeln tikpopiir aawanpeenkaan, le ki di tiwanyaan peen, ki di likekeln liken biin unimbil pu, le ki ti kal Enayim aatiŋ aabisamɔb chee, kitiŋ ngbaan ni le aa ga dii ki buen Timna aatiŋ ni. Tamar nan bee ke Juda aajapɔɔn Sela muun ki ŋa unii a, le uchooja aa di u tii ujapɔɔn ngbaan.

Mpiin 38:16

Le u buen u chee nsan aagbaan ki ti baa u ke, “Tɔ, aa gaal iŋa?” Juda aa nan bee ke ubipuu le na. Le u mu baa u ke, “Aa ga tii mi iŋa?”

Ŋiyataŋak 7:10

Le upii ngbaan to u nsan ni; u nan buu ubaa ke upiidagoor na, le ki bi dak waalandak uyil ni.

1 Korenti 6:16

Naa nyi ke unii u doon upiidagoor chee na, bi kpaan tiwon tibaa la aa? Ba pu? Uwumbɔr Aagbaŋ len ke, “Upii ni uja yaa nyi tɔb kan, bi kpaa tiwon tibaa la.”