Mpiin 38:14 - Uwumbɔr aagbaŋ

¹⁴ Le Tamar fii ki kpeln tikpopiir aawanpeenkaan, le ki di tiwanyaan peen, ki di likekeln liken biin unimbil pu, le ki ti kal Enayim aatiŋ aabisamɔb chee, kitiŋ ngbaan ni le aa ga dii ki buen Timna aatiŋ ni. Tamar nan bee ke Juda aajapɔɔn Sela muun ki ŋa unii a, le uchooja aa di u tii ujapɔɔn ngbaan.

Mpiin 38:14 Iomraidhean Croise

Mpiin 24:65

le ki baa Abraham aanaagbiija na ke, “Ŋma ye unachipɔɔn u chuun ikpaakon ni ki choo na?” U nan bui ke, “Maaninkpel ye.” Nima pu na, Rebeka nan di kikekengeŋ biin unimbil wɔb.

Mpiin 38:15

Juda nan ti kan Tamar ka kitiŋ ngbaan aabisamɔb chee. Waah nan di likekeln biin unimbil wɔb pu na, le u nan dak ke u ye lipiiyal la.

Mpiin 38:19

Tamar nan gir kun ute do, le ki chuu peer likekenyaan na, ni waah ba di li biin unimbil wɔb na, le ki ki di tikpopiiwan peen.

Mpiin 38:26

Libuul ngbaan ni, le Juda bee ke uma le yeh tiwan ngbaan mɔmɔk, le ki bui ke, “Upii ngbaan kpa mbamɔn, min le galn, ni ba ŋeer m di u tii njapɔɔn Sela, u kpan u.” Juda aa nan ki doon u chee.

Ŋiyataŋak 7:10

Le upii ngbaan to u nsan ni; u nan buu ubaa ke upiidagoor na, le ki bi dak waalandak uyil ni.

Ŋiyataŋak 7:12

bee ki si tilɔlɔnn ni, n‑yoonn mubaa mu kan, kitiŋ ni, mubaa mu kan, kinyaŋ ni.

Jeremia 3:2

Lik ŋigongon paab man. Nibaa chee aa gur aan naa tun lituln ke udagoor na. Ni nan sii nsan chee ki kii nibɔtiib, ke nteersakpiin ponn ni aanib aah sii pu ki kii ubaa ke bi ku u na la. Ni di nimi aadagook bii kitiŋ kee.

Esekiel 16:25

Aa di kininsuŋ bii saanyaan. Aa di aabaa tii unii umɔk dan ke u ban si na, le nwiin mɔmɔk kan, aa moo ŋani aabaa udagoor.