Mpiin 37:9 - Uwumbɔr aagbaŋ

⁹ Josef nan ki daŋ tidaŋ tiken, le ki bui ukpetiib ke, “M ki daŋ tidaŋ tiken, ki kan nwiin, ni uŋmal, ki kpee iŋmabi kipiik ni ubaa gbaan nnimbiin ni.”

Mpiin 37:9 Iomraidhean Croise

Mpiin 20:3

Kinyeek kibaa daal le Uwumbɔr nan dan ubɔr ngbaan chee tidaŋ ni, le ki bui u ke, “M ga ku si; saah yoor upii u na kpa chal.”

Mpiin 37:10

U nan tuk ute mu tidaŋ ngbaan aabɔr, le ute nan sur u tibɔr ngbaan pu, le ki baa u ke, “Ba aadaŋ aaboln le aa daŋ kina? Aa dak ke aana, ni aakpetiib, ki kpee min, ti ga nan gbaan aanimbiin ni ii?”

Mpiin 37:7

Ti mɔmɔk nan bi kisaak le ki chee ipui, le buyoonn m di maapuijaal di bil na, le li fii sil chob, le nimi aapuijaan mu fii sil, le ki goln n‑yaal ki gbaan linimbiin ni.”

Mpiin 37:8

Le ukpetiib baa u ke, “Aa dak ke sin le ga li ye timi aabɔr ki lik timi ii?” Le waadaŋ ngbaan aabɔr ni waah len pu na nan cha liŋuul moo chuu ukpetiib, le bi nan u sakpen.

Mpiin 41:25

Le Josef bui ubɔr ngbaan ke, “Tidaŋ tilee ngbaan aatataa ye tiwanbaan la. Uwumbɔr le bui si waah ban u ŋa tiwan ni na.

Mpiin 41:32

Le saah daŋ njan aadaŋ ki ki gir daŋ lelee aan tidaŋ ngbaan aatataa ye tiwanbaan na, Uwumbɔr le sil siin ti kina, ki mu ga cha ni ŋa kina dandana wee.

Mpiin 42:6

Le Josef aah nan ye Ijipt aatiŋ ngbaan aayidaan ki lik tijikaar aabɔr pu na, uma le nan kooh tijikaar ngbaan tii dulnyaa aanib mɔmɔk. Nima pu na, Josef aakpetiib mu nan dan ki nan gbaan unimbiin ni.

Mpiin 43:26

N‑yoonn mu Josef nan fuu ni udo na, le bi di ipiin ngbaan buen u chee, ki ti gbaan unimbiin ni, ki di tii u.

Mpiin 43:28

Le bi bui u ke, “Saanaagbiija tite beenin bi ki mu kpa laafee.” Le bi gbaan unimbiin ni ki doon u.

Mpiin 44:14

N‑yoonn mu Juda ni biken fuu ni Josef do na, u nan bi linampal. Le bi gbaan unimbiin ni.

Mpiin 44:19

Uninkpel, aa nan baa timi ke, ‘Nite beenin bi ii? bee ni ki kpa ninaal ubaa aa?’

Mpiin 45:9

“Tɔ, gir buen linampal mala tite chee, ki ti bui u ke ujapɔɔn Josef aah len pu na sɔ: Uwumbɔr ŋa mi Ijipt aatiŋ kee mɔmɔk aaninkpel a, ŋa mala ki dan m chee.

Mpiin 46:29

le Josef koo itaan aatɔroku ponn ni, le ki buen ute chee nima chee. Waah ti fuu u chee na, le Josef san ti bub chuu ute, le ki wii ki kaani, ni ti yunn pam.

Mpiin 47:12

Le Josef ban tijikaar tii ute, ni ukpetiib, ni ute aamaal aanib mɔmɔk, hali ki kpee biwaatiib mu.

Daniel 8:10

Mu nan kan mpɔɔn le ki ti kpaan tak iŋmabi i bi paacham na ibaa, ki ker ibaa lii ni kitiŋ ki taa taa i pu.

Nkahm 12:6

Le Uwumbɔr bui bi ke, “Li pel man maah ban m len pu na. N‑yoonn mu maabɔnabtiib bi ni chee na, min le joo mbaa mɔk bi tidaŋ ni, le ki len bi chee tibɔr.

Filipi 2:15

aan ki li ye Uwumbɔr aabim bi kaa kpa taani, kaa kpa ngalm na. Ni bi titunwanbirdam aakaasisik ni la. Ni li bi ke nwiihn na le dulnyaa wee ni ki wiin bikaasisik ni,