Mpiin 37:8 - Uwumbɔr aagbaŋ

⁸ Le ukpetiib baa u ke, “Aa dak ke sin le ga li ye timi aabɔr ki lik timi ii?” Le waadaŋ ngbaan aabɔr ni waah len pu na nan cha liŋuul moo chuu ukpetiib, le bi nan u sakpen.

Mpiin 37:8 Iomraidhean Croise

Mpiin 27:41

Esɔ nan nann Jakob, ba pu? ute nan ŋa tinyoor ŋa Jakob pu ki cha u. U nan dakl ke, “Nte aakpotoor aa ki daa, waakpuul yaa jer kan, le m ga ku Jakob.”

Mpiin 37:4

Josef aakpetiib aah kan ke bite gee u ki jer bi na, le bi nan u, kaa ki len tibɔnyaan u chee.

Mpiin 37:9

Josef nan ki daŋ tidaŋ tiken, le ki bui ukpetiib ke, “M ki daŋ tidaŋ tiken, ki kan nwiin, ni uŋmal, ki kpee iŋmabi kipiik ni ubaa gbaan nnimbiin ni.”

Mpiin 42:10

Bi nan bui u ke, “Uninkpel, aayii, ti ye saanaagbiib la, le ti dan ti nan daa tijikaar ti ji.

Mpiin 44:18

Le Juda foor duun Josef chee le ki bui u ke, “Uninkpel, ŋaanii, ki cha m len aa chee tibɔr mbaa pu. Taa gee m pu liŋuul, aa ŋma ubɔrkpaan Faro la.

Mpiin 49:26

ki tii si tijikaar ni isui i lu ŋisubil mɔk aabɔŋ na, le ki tii si aayaajatiib aah nan kpa tiwan ni na mɔmɔk, ki tii si tiwan ni ga tii si mpopiin ki nyan ni n‑yaayoonn na aagongon na chee, Uwumbɔr cha tinyoor ngbaan li bi sin Josef pu, sin le Uwumbɔr nyan si aanaabitiib ponn ni ki di uŋaal paan aa pu.

Mpiin 50:18

Le ukpetiib buen u chee ki ti gbaan unimbiin ni, le ki bui u ke, “Ti ye saanaagbiib le ki bi do.”

Ilahn 118:22

Litakpal li bidimaab yii li na, lima le ye litakpajal.

Nnyam 2:14

Le uja ngbaan giin bui u ke, “Ŋma ŋa si timi aayidaan ni ubɔjir? Aa ban ke aa ku mi ke saah fe ku Ijipt aaja na pu na la aa?” Nima chee le ijawaan chuu Moses, le u dakl usui ni ke, “Binib bee maah ŋa pu na a.”

Tibɔnyaan ti Luk ŋmee ti na 19:14

Le waatiŋ ni aanib nan nan u, ki tun binib ke bi paan u pu ki ti bui ubɔrkpaan na, ‘Taa ban ke uja ngbaan le ye timi aabɔr.’

Tibɔnyaan ti Luk ŋmee ti na 20:17

Le Yesu lik bi, ki bui bi, “U yaa kaa ŋa bi kina kan, Uwumbɔr Aagbaŋ aah len pu na aatataa ye kinye? ke, ‘Litakpal li bidimaab yii li na, lima le ye litakpajal.’

Lituln 7:35

“Tɔ, Moses le ye unii u Israel yaab nan yii u, ki bui u ke, ‘Ŋma ŋa si timi aayidaan ni ubɔjir?’ Uma le Uwumbɔr nan tun waatuun u chee, busub bu bi ke bu aah gaal mmii le na pu, u ti tuk u ke u buen ti nyan ni waanib tinaagbiir ni, ki li joo ni bi.

Ikaal 33:16

Uwumbɔr, cha tiwanyaan mɔmɔk li gbii baatiŋ ni. Uwumbɔr, ŋa tinyoor ŋa bi pu, ki cha bi kan tiwanyaan mɔmɔk. Sin le nan len tibɔr tisufar ti nan gaal mmii kaa wu na ni. Uwumbɔr cha tinyoor timina mɔmɔk dan Josef aanibol pu, ba pu? uma le ye ukpetiib pu usaloln.

Hiibru Yaab 10:29

Unii yaa lik Uwumbɔr Aajapɔɔn fam, ki yaa dak ke Yesu aasin mu ŋa u chain na ye fam, ki yaa sii Uwumbɔr Aafuur Nyaan mu san timi kinimbaak na kan, udaan ngbaan ŋeer ntafadaan sakpen ki jer unii u bii Moses aakaal na aah kan pu na.

1 Samuel 10:27

Le nifam bibaa bui ke, “Umina ga ŋmaa ŋa ba tii timi?” Bi nan lik seen Sɔɔl, le kaa tii ni u ipiin ibaa. Le Sɔɔl aa len tibaa.

1 Samuel 17:28

Le David aakpel Eliab ŋun David bi len bijab ngbaan chee. Le waaŋuul fii David pu, le u bui ke, “Aa ŋani ba do? Ŋma bi lik ipiih kipɔɔk ni nima? Sin maaŋuntafal aabo wee. Aa dan aa nan lik butɔb ngbaan la.”

1 Samuel 18:8

Sɔɔl aa nan gee kina, le waaŋuul fii sakpen. Le u bui ke, “David ma kan, bi tii u ŋichur kipiik kipiik la, le ki tee tii m ma ŋichur baanja. Lelee kan, bi ga ban bi kaan u nnaan la.”