Mpiin 37:34 - Uwumbɔr aagbaŋ

³⁴ Le Jakob aasui bii, le u chuu waawanpeenkaan daa kar mpombiin pu, le ki di tiwanpeenkaan ni saak kuub na di peen. U nan wii waabo ngbaan aakun pu ni yunn pam.

Mpiin 37:34 Iomraidhean Croise

Mpiin 37:29

Tɔ, Rubenn nan dan nnyunbun ngbaan chee ki lik, kaa kan Josef mu ponn ni, le u chuu waawanpeenkaan daa kar mpombiin pu,

Mpiin 42:38

Le Jakob nan bui u ke, “Maabo ngbaan aan dii si; ukpel kpo a, uma baanja le gur. Nibaakan tiwan nibaa ga ti ŋa u nsan ni. M por a, maabo umina mu yaa ki kpo kan, nsui ga bii sakpen ki cha m kpo.”

Mpiin 44:13

Le ukpetiib aah kan kina na, bisui bii sakpen, le bi chuu baawanpeenkaan daa kar, le ki yoor baatun paan ibon pu, ki gir buen kitiŋ ponn ni.

2 Samuel 1:11

Mpombiin pu le David daa kar waawanpeenkaan, le waajab mu ŋa kina.

2 Samuel 3:31

Le David nan cha Joab ni waajab dar kar baawanpeenkaan, ki peen tiwanpeenkaan ni saak kuub na, ki wii Abner aakpuul. Baah nan cha bi ti sub u na, Ubɔr David ubaa le nan chuun paa utekpiir aadakaa ngbaan pu.

1 Bibɔrb 20:31

Waaninkpiib nan buen u chee le ki ti bui u ke, “Ti ŋun ke Israel yaab aabɔrb san kinimbaak. Tii timi nsan aan ti ti gbab tiwan ni saak kuub na tichaŋ ni, ki di iŋmin fin tisil, ki buen Israel yaab aabɔr chee ki ti gaŋ u saamɔfal pu.”

1 Bibɔrb 21:27

Elaija aah nan len doo na, le Ahab daa kar kar waawanpeenkaan, ki chuu peer ni, le ki di tiwan ni saak kuub na peen, ki yii tijikaar, ki doo tiwanpeenkaan ngbaan ni, le usui bii, le u chuun lik gbilngbiln.

2 Bibɔrb 19:1

Ubɔr Hesekia aah ŋun baah len pu na, libuul ngbaan ni le u daa kar waawanpeenkaan, usui aah bii sakpen pu na, le ki di tiwan ni saak kuub na peen, le ki buen Uwumbɔr Aadichal ni,

2 Bibɔrb 2:12

Elaisa nan kan kina le ki teen yin Elaija ke, “Nte, nte. Israel yaab aakikiir kpaan. Aa buen a.” Le waa ki kan Elaija kpala. Elaisa nan di mpombiin le daa kar waakpalk nfum mulee pu,

2 Bibɔrb 22:11

Ubɔr aah ŋun kigbaŋ ngbaan aaponn ni aabɔr na, le u daa kar waawanpeenkaan ijawaan ni itaakpayɔl pu,

1 Bibɔrb Aabɔr 21:16

David nan kan ntuun ngbaan gaar si libuln ni paacham, ki joo kijaak aajuk uŋaal ni ki gor ke u ti bii Jerusalem. Le David ni binib ngbaan aasalolm, bi mɔmɔk nan pee tiwanpeenkaan ni saak kuub na, gbaan le ki di binimbil chiŋ kitiŋ.

1 Bibɔrb Aabɔr 7:22

Bite Efraim nan wii baakpuul ni ti yunn sakpen, le unaabitiib buen ti sɔŋ usui.

Nehemia 9:1

Uŋmabaan ngbaan ponn ni aawiin moninko ni inaa daal le Israel yaab nan kuun ke bi lul bumɔb ki mɔk baapombiin baatunwanbir pu. N‑yoonn mue na bi nan yakr biwɔwɔm bi ŋmal bi ponn ni na chee. Bi nan pee tiwanpeenkaan ni saak kuub na, le ki di titan puŋ biyil, bisui aah bii pu na pu. Le bi sil ki kpiir baatunwanbir, ni biyaajatiib mu aatunwanbir pu.

Job Aagbaŋ 1:20

Le Job fii sil, ki daa kar waawanpeenkaan nsuugar pu. U nan kuu uyil, le ki lir lichichikr,

Job Aagbaŋ 16:15

M wii ikpowiil ki pee tiwanpeenkaan ni saak kuub na, le ki ka titan ni, kaa ki bi tibaa ni.

Job Aagbaŋ 2:12

Baah laa bi ni dandar na, le bi waa Job, ki mu aa bee u. Baah ti bee u na, le bi piin ki wii, ki kaani, ki dar kar baawanpeenkaan mpombiin pu, le ki fai titan mae paacham, ni biyil pu,

Ilahn 69:11

m pee ŋikpokeken, le bi laa mi.

Aisaya 32:11

Ni po bi nibaa pu la, kaa kpa ilandak ibaa; dandana ma kan, cha niwon li gbaa ijawaan pu. Gbabr nimi aakeken mee man, ki ban tiwankpir di gbin nichaŋ ni.

Aisaya 36:22

Le Eliakim, ni Sebna, ni Joa daa kar baawanpeenkaan mpombiin pu, ki buen baabɔr Hesekia chee, ki ti bui u Asiria aajab aaninkpel ngbaan aah len pu na.

Jeremia 36:24

Ubɔr ni waaninkpiib bi nan ŋun kigbaŋ ngbaan aabɔr na ubaa aa nan kpa mpombiin, kaa san ijawaan aawan nibaa.

Jeremia 48:37

Bi mɔmɔk kuu biyikpir ni bilangban lii. Bi di njum geei ki daan biŋaal, le bi mɔmɔk pee tiwanpeenkaan ni saak kuub na.

Joel 2:13

Cha nimi aasuugar mɔk nimi aapombiin, naa ye ke ni daa kar nimi aawanpeenkaan baanja.” Gir ni Nidindaan Uwumbɔr chee man. U kpa tiŋann ki ye unimbaasaln daan la; u kpa limɔr ki ŋmaa joo waah puu tipuur ti na; n‑yoonn mɔmɔk kan, u gor ki kii ke u di cha pinn binib. Waa ban ke u daa bitafal.

Matiu 11:21

U nan len ke, “Korasinn aatiŋ aanib, tibɔbir bi ni pu. Betseda aatiŋ aanib, tibɔbir bi ni mu pu; ba pu? m yaa ba nan tun lijinjiir aatun Taya aatiŋ ponn ni, ni Saidonn aatiŋ ponn ni ke maah tun ni ponn ni pu na kan, bi ba ga kpeln baabimbin ni yunn a, ki li pee tiwanpeenkaan ni saak kuub na, ki di nfatan puk biyil, aan ki mɔk ke bisui bii baatunwanbir pu.

Matiu 26:65

Waah len kina na, le Uwumbɔr aatotoorninkpel chuu kar ubaa aawanpeenkaan, le ki bui ke, “U di ubaa ŋaŋ Uwumbɔr la. Taa ki ban seeraadam. Ni ŋun waah sii Uwumbɔr pu na.

Lituln 14:14

Le Banabas ni Pɔɔl ŋun baah ban bi ŋa pu na. Baah ŋun kina na, le bi chuu kar baabɔkur, le ki san koo kinipaak ngbaan aakaasisik ni, ki tar ke,

Josua 7:6

Josua ni Israel yaab aaninkpiib aasui nan bii, le bi dar kar baawanpeenkaan, le ki doon kitiŋ Uwumbɔr Aakaal Aadakaa aanimbiin ni, ki ti saa kijook wɔb, le ki faa titan puŋ biyil, ki mɔk ke bisui bii a.

Tibɔkpiirkaan 11:3

Le m ga tun ni maaseeraadam bilee bi nan moon Uwumbɔr aabɔr ki ti saa iwiin lichur ni ikui ilee ni imonko itaa, ki ga li pee tiwanpeenkaan ni saak kuub na.”

Bibɔjirb 11:35

Waah kan u na, le u daa kar waawanpeenkaan mpombiin pu, le ki bui ke, “Mbisal, aa bii nsui. Ni ŋa kinye aan sin le tii mi iyiween? M puu tipuukpaan tii Uwumbɔr, kaan ki ŋmaa bii ti.”