Mpiin 37:26 - Uwumbɔr aagbaŋ

²⁶ Le Juda bui biken ke, “Ti yaa ku tinaal ki di bɔr kan, ni ga li kpa ba aanyoor?

Mpiin 37:26 Iomraidhean Croise

Mpiin 25:32

Esɔ nan bui u ke, “Tɔ, nkon ban mu ku mi la, tininkpir na ga ŋa mi ba?”

Mpiin 37:20

Cha ti ku u ki di waawon ŋa nnyunbunkuun mubaa ponn ni. Ti ga ti bui ke kipeewanbiik kibaa le ku u. Le ti ga lik ke waadaŋ ngbaan ga doo kinye.”

Mpiin 4:10

Le Uwumbɔr ki baa u ke, “Ba ŋa aa ŋa kina? Aanaal aasin bi kitiŋ ki wii, ki mɔk ke sin le ku u.

Mpiin 4:9

Nee aapuwɔb le Uwumbɔr baa Kainn ke, “Aanaal Abel bi la?” Le Kainn bui ke, “Maa nyi. Min le ye u lik u na aa?”

Mpiin 40:15

Maah bi do na, bi tɔk mi Hiibru yaab aatiŋ ni la, le maah bi Ijipt aatiŋ ni do na, maa ŋa nibaa le bi di mi ŋa kiyondiik ni.”

Mpiin 42:21

le ki bui tɔb ke, “Mbamɔn, taah nan ŋa tinaal bakaa u na, ti bi ji waafalaa le din wee na; ti nan kan waafalaa buyoonn u nan gaŋ timi waamɔfal pu na, le ti yii, kaa ter u. Nima pu le dandana wee ti bi ji falaa umina.”

Mpiin 50:20

Nimi le dak tibɔbir m pu, le Uwumbɔr cha ni kpaln ni ŋan na, ki toor nsan u gaa binib pam aamɔfal lii, tiwan ni ŋa mi na pu.

2 Samuel 1:16

Le David bui Amalek aanii ngbaan ke, “Sin le joo ni nimina aabaa pu. Buyoonn aa kii ke sin le ku Uwumbɔr aah lee unii u ubɔr na, le aa ku aabaa.”

Job Aagbaŋ 16:18

Kitiŋ, taa di baah tun mi taani pu na bɔr. Taa cha maah yin ki ban mbamɔn pu na ŋmin fam.

Ilahn 30:9

“M yaa kpo kan, ba aanyoor aa ga kan? M yaa kun bitekpiido kan, ba aanyoor aa kan? Binib bi kpoi na ga ŋmaa pak si ii? Bi ga ŋmaa di saaŋann ti kaa door na moon aa?

Jeremia 36:25

Elnatann, ni Delaya, ni Gemaria ma nan gaŋ ubɔr ke u taa cha kigbaŋ ngbaan wu mmii, u mu aa nan koi gar bi.

Jeremia 41:8

Tɔ, bijab kipiik nan bi bijab ngbaan ni le ki bui Ismael ke, “Ŋaanii ki taa ku timi. Ti kpa tijikaar, ni olif aakpan, ni tisiir bɔr timoor ni.” Le u nan di cha bi.

Esekiel 24:7

Linikul nan bi kitiŋ ngbaan ponn ni; nsin ngbaan mu aa nan yaa nin chee titan ga ŋmaa biin mu pu na; mu yaa litakpal pu la.

Matiu 16:26

Unii yaa kan dulnyaa wee ni aawan mɔmɔk ki lann waamɔfal kan, ba aanyoor le u kan? Unii tee ga di ba ki daa waamɔfal?

Rom Yaab 6:21

Ni yaa teer naah tun titunwanbir ti na kan, ni jinni nimi inimɔɔn dandana wee la. Tinyoor nan bi titunwanbir ngbaan ni ii? Aayii. Titunwanbir ngbaan aadoon ye nkun la.

Ikaal 17:8

“Nibaakan, tibɔr tibaa ga li pɔɔ, le bibɔjirb bi bi itingbaan ni na aan ŋmaa toor ti. Ni yaa ye nkun, bee kijaak, bee ubaa yaa tii uken titotonn, bee ubaa yaa gaa uken aawangol kan, ni di kina aabɔr buen nin chee Nidindaan Uwumbɔr nyan aan ni mɔmɔk dooni u na,