Mpiin 37:13 - Uwumbɔr aagbaŋ

¹³ Le bite Jakob bui Josef ke, “M ban ke aa buen Sekem aatiŋ ni, aakpetiib aah bi nin chee ki kpaa tiwakor na.” Le Josef bui u ke, “M gor ke m buen.”

Mpiin 37:13 Iomraidhean Croise

Mpiin 22:1

N‑yoonn mbaa le Uwumbɔr nan tɔŋ Abraham: u nan yin u ke, “Abraham.” Le Abraham kii ke, “M sɔ.”

Mpiin 22:11

Le Uwumbɔr aatuun aaneel nyan ni paacham ki yin ke, “Abraham, Abraham.” Le u giin kii ke, “M sɔ.”

Mpiin 27:1

N‑yoonn mue Aisak nan por pam, ki jɔb, kaa ki waa. U nan yin ujapɔpol Esɔ, le ki bui u ke, “Maabo.” Le Esɔ kii ke, “Nte, m sɔ.”

Mpiin 27:18

Le Jakob di buen ute chee, ki ti yin u ke, “Nte.” Le ute kii ki baa ke, “Njapɔɔn ulau ye?”

Mpiin 33:18

Kina le Jakob nan nyan ni Mesopotamia ki cha le ki ti fuu Sekem aatiŋ, ni laafee; kitiŋ ngbaan nan bi Kanaann aapepel ni la, le u kal nkpaakon mubaa ni, kitiŋ ngbaan chee,

Mpiin 37:12

Daalbaadaal le Josef aakpetiib di bite aawakor buen Sekem aatiŋ ni, timoor ponn ni.

Matiu 10:16

“M ga tun nimi, ni ti moon Uwumbɔr aabɔr. Ni ga li bi ke ipiih i bi ŋisapol aakaasisik ni na la. Ni li kpa nlan ke iwaa aah kpa nlan pu na, ki li bi suuna ke ŋinanjel aah bi pu na.

Tibɔnyaan ti Luk ŋmee ti na 20:13

Le usadaan ngbaan bui ke, ‘M ga ŋa kinye? M ga di maabogeehn le tun bi chee. Nibaakan, bi ga pak uma.’

1 Samuel 3:16

Eli nan yin u ke, “Maabo Samuel.” Le Samuel kii ke, “Maaninkpel, m sɔ.”

1 Samuel 3:8

Le Uwumbɔr ki yin Samuel taataa, le u fii, ki ki buen Eli chee, ki ti ki bui u ke, “Saah yin mi na, le m dan.” N‑yoonn ngbaan le Eli bee ke ni ye Uwumbɔr le yin ubo ngbaan,