Mpiin 36:31 - Uwumbɔr aagbaŋ

^31-39 Bibɔrb bi aayimbil paa tɔb pu na le nan pue joo Edom aatiŋ, le Israel yaab nan nin kaan bibɔrb. Bi nan jin nnaan ki paa paa tɔb pu kina la: Beor u nan nyan ni Dinhaba aatiŋ ni na aajapɔɔn Bela. Sera u nan nyan ni Bosra aatiŋ ni na aajapɔɔn Jobab. Husam u nan nyan ni Temann aatiŋ ni na. Hadad u nan ye Bedad u nyan ni Afif aatiŋ ni na aajapɔɔn. Bedad le nan to butɔb ki nyaŋ Midiann yaab, Moab aatiŋ ni na. Samla, u nan nyan ni Masreka aatiŋ ni na. Saul, u nan nyan ni Rehobof, kitiŋ ki bi limɔɔl chee na. Akbor aajapɔɔn Baal Hanann. Hadad u nan nyan ni Pau aatiŋ ni na. Upuu Mehetabel nan ye Matred aabisal la, le u nan ye Mesahab aayaabil.

Mpiin 36:31 Iomraidhean Croise

Mpiin 17:16

M ga ŋa tinyoor ŋa u pu, le ki cha u maa ubijabo tii si. M ga ŋa tinyoor ŋa u pu, le u ga li ye ŋitimbol pam aana, le bibɔrb ga nyan ni uyaabitiib ponn ni.”

Mpiin 17:6

M ga tii si yaabitiib pam, le ngem ga li ye bibɔrb. Aa ga li kpa yaabitiib sakpen, le bi ga ŋa ŋitimbol pam.

Mpiin 25:23

Le Uwumbɔr nan bui u ke, “Ŋinibol ŋilee le bi aaponn ni; saah ga maa bijaam bi na ga li ye ŋinibol ŋilee aanib la, le ubaa ga li pɔɔ jer uken, upol le ga nan li tun tii uwaatiir.”

Mpiin 35:11

Le Uwumbɔr nan bui u ke, “Min le ye Uwumbɔr Mpɔɔnsakpiindaan. Maa, ki pɔr, ki li kpa mbim. Aayaabitiib le ga li ye ŋitimbol pam, le aa ga li ye bibɔrb aayaaja.

Nkahm 20:14

Baah nan ka Kades aatiŋ ni na, le Moses nyan ntuuntiib tun Edom yaab aabɔr chee. Bi nan ti bui u ke, “Tibɔr tee nyan ni aanaabitiib Israel yaab chee la. Aa nyi taah ji falaa umɔk na.

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.

Ikaal 33:5

N‑yoonn mu Israel yaab aanibol ni biyidam nan kuun sil na, le Uwumbɔr ŋa baabɔr.