Mpiin 35:6 - Uwumbɔr aagbaŋ

⁶ Le Jakob ni waanib nan ti fuu Lus aatiŋ ni; dandana bi gur yin kitiŋ ngbaan ke Betel la, ki bi Kanaann aatiŋ ni.

Mpiin 35:6 Iomraidhean Croise

Mpiin 12:8

Nimina aapuwɔb, le u ki fii ki buen ŋŋangii wɔb, ki ti fuu ŋijoo aatiŋ ki bi Betel aawipuul wɔb na, ki kal Betel ni Ai aakaasisik ni. Betel nan bi liwilir wɔb, Ai mu nan bi liwipuul wɔb. Nima chee mu u nan ki maa kitork aabimbiln, le ki toor kitork ki doon Uwumbɔr.

Mpiin 28:15

Taa suln, ki li teer n‑yoonn mɔmɔk ke m ga li bi aa chee, le ki ga li joo si saah ga buen nimɔk na, ki ga ki giin ni si kitiŋ kee pu. Maan di si lii see m ŋa maah puu ke m ga ŋa si pu na.”

Mpiin 28:19

le ki yin nima chee ke Betel. Bi nan yin kitiŋ ngbaan n‑yoonn mubaa ke Lus.

Mpiin 28:22

Litakpal li m di ŋum do ke m li joo teer saabɔr na ga li ye nin chee m ga li dooni si na, le saah ga tii mi tiwan ni na mɔmɔk, m ga nyan nibaabaa kipiik mɔk ponn ni ki giin tii si.”

Mpiin 48:3

Le Jakob bui Josef ke, “Uwumbɔr Mpɔɔnsakpiindaan nan dan m chee Lus aatiŋ ki bi Kanaann aatiŋ ni na, le ki nan ŋa tinyoor ŋa m pu.

1 Samuel 7:16

Libiln mɔmɔk ni kan, u nan chuun ki manni Betel, ni Gilgal, ni Mispa, ki toor binib bi kpa tɔb tibɔr na aakaasisik ni,