Mpiin 35:4 - Uwumbɔr aagbaŋ

⁴ Nima pu le bimɔk nan nyan ni baawaa mɔmɔk, ni tafajɔn tiib bi bi nan too na di tii Jakob. Le u di nimɔk sub likpaln aasub bubaa taab, Sekem aatiŋ chee.

Mpiin 35:4 Iomraidhean Croise

Mpiin 12:6

le Abram chuun dii kitiŋ ngbaan ni, le ki ti fuu bususakpem bu bi yin bu ke More, ki bi Sekem aatiŋ ni na chee. N‑yoonn ngbaan, Kanaann yaab nan laa beenin bi kitiŋ ngbaan ni.

Mpiin 35:3

Ti ga nya do ki buen Betel aatiŋ ni, nin chee m ga ti maa libimbiln ki toor kitork tii Uwumbɔr u ter mi maamukl mɔmɔk ponn ni, ki bi m chee ni kookoo na.”

Mpiin 35:5

Nee aapuwɔb le Jakob ni udo yaab nan piin ki nyan cha, le ijawaan sakpiin chuu binib bi aatim nan bi gbɔk nima chee na, le baa kaa bi paan bi pu.

Nnyam 32:20

U nan donn unaajabo u bi nan mɔɔ na, le ki san u, u ti kpaln n‑yon, le ki di buun nnyun ni, ki di tii binib ngbaan le bi nyun.

Aisaya 2:20

Nwiin ngbaan yaa fuu ni kan, bi ga di baah di salmaa ni tikunabr maa ŋiwaa ŋi na mee, ki san cha ŋi, ki di ŋi tii ŋinaasɔn ni tinanjenn.

Aisaya 30:22

Ni ga yoor naah di tikunabr naan nimi aawaa ŋi na, ni naah di salmaa naan ŋi na, ki di ti mee ke ŋi ye tijɔŋ la, ki tar ke, “Taa ki ban ti kan nimi.”

Hosea 2:13

N‑yoonn mu mɔmɔk u nan sulni mbɔr ki seer tulalee aayon tii liwaal Baal ki peeni nleenyaan ki san dii ubɔtiib na pu le m ga daa utafal. Uwumbɔr le len kina.

Ikaal 7:25

Ni see baawaa mmii. Baah di tikunabr ni salmaa u paan ŋi pu na, ni taa li neen ŋi, ki taa yoor ŋi. Ni yaa ŋa kina kan, naan li ŋan, ni ga bii nimi, ba pu? Uwumbɔr aa gee ŋiwaa kpala.

Ikaal 7:5

Nima pu na, ni gbaa wii baawaa aatork aabimbin, ki gbaa wii baatakpal aawaa ŋi fɔk ke jaatɔlk na yuk yuk, ki gaa baapiiwaal li bi yin li ke Asera na aawaachur lii, ki see baawaa mɔmɔk mmii.

Bibɔjirb 9:6

Nee aapuwɔb le Sekem ni Bef Milo aajab kuun tɔb ki buen likpaln aasusakpem bubaa taab, Sekem aatiŋ ni, ki ti kaan Abimelek nnaan.