Mpiin 35:22 - Uwumbɔr aagbaŋ

²² Buyoonn Jakob nan laa bi kitiŋ ngbaan ni na, le ujapɔɔn Rubenn doon Bilha chee, u nan ye ute Jakob aapuutiib na ponn ni ubaa la. Jakob aah nan ŋun kina na, le usui fii, le liŋuul chuu u pam. Jakob nan kpa mbijabim kipiik ni bilee la.

Mpiin 35:22 Iomraidhean Croise

Mpiin 35:18

Rachel mu nan labr nkun a, le waah ti fuur kookoo ki ban u kpo na, le u yin ubo ngbaan ke Benoni, le ute nan yin u ke Benjaminn.

2 Samuel 13:21

Ubɔr David aah nan ŋun tibɔr ngbaan na, le usui nan fii sakpen.

2 Samuel 20:3

David aah ti fuu waadichal ni, Jerusalem aatiŋ ni na, le u cha binib kii upuutiib waatiir kipiik bi u nan cha bi gaar puwɔb ke bi li kii libɔrdichal ngbaan na. U nan kpiini ki lik bi pu, ki mu aa nan ki doo bi chee. Baa nan ki nya lipaal, ki bi ke bikpopiib na la, ki ti saa baakun daal.

1 Bibɔrb Aabɔr 5:1

Jakob aajapɔpol Rubenn aayaabitiib aayimbil sɔ: Rubenn aah nan gaa ute aapuu waatiir ubaa na, waa nan ki kpa nsan u ji tininkpir aafaal ute chee. Unaal Josef le nan gaa kina aasan.

Nnyam 2:1

N‑yoonn mue le uja ubaa, u nan ye Liifai yaab aanibol na yoor upii u mu ye waanibol na,

Liifai Yaab 18:8

Taa koo ki ti doon aate aapuutiib ubaa chee ki jinn aate inimɔɔn.

Nkahm 10:14

Bi yaa nan chuun cha kan, bi nan paa tɔb pu kina la. Juda aanibol, ni ŋinibol ŋi kpee li pu ki bi baatuutaa taab na, le nan pue loln nsan, ŋigetek ŋigetek, le Aminadab aajapɔɔn Nasonn nan ye usaloln bi pu.

Lituln 7:8

Le Uwumbɔr puu tipuur tii Abraham, ki tii u nkaal, ke u ni uyaabitiib mɔmɔk gii ŋichakpan, aan ni mɔk ke bi kii uma Uwumbɔr aah puu tipuur ti na. Le Abraham ma ubijabo, ki yin u ke Aisak, le ki gii uchakpaln, u nan laa ye iwiin iniin aabo la. Le Aisak ma waabo Jakob. Jakob mu ma japɔtiib kipiik ni bilee bi ye tiyaajaninkpiib na. Le bi mɔmɔk gii ŋichakpan.

1 Korenti 5:1

Tɔ, bi tee len ke kininsuŋ aatuln bi nikaasisik ni, ke ni ponn ni ubaa gaa ute aapuu. Hali binib bi kaa dii Uwumbɔr aasan na aa ŋani kina.

Ikaal 27:12

“Ni yaa puur Jɔɔdann Aamɔɔl doo kan, ŋinibol ŋimina sil Gerisim Aajool paacham aan ni len tinyoor aabɔr tee lii Israel yaab pu. Ŋinibol ngbaan sɔ: Simeonn, ni Liifai, ni Juda, ni Isakar, ni Josef, ni Benjaminn aanibol.

Ikaal 27:20

“‘Uwumbɔr aamɔpuur bi unii umɔk doon ute aapuu chee ki jinn ute inimɔɔn na pu.’ “Le binib ngbaan mɔmɔk ga kpaan ki kii ke, ‘Amii.’

Tibɔkpiirkaan 21:14

Ligoln ngbaan kpa ŋidinyik kipiik ni ŋilee. Upihbo na aakpambalb kipiik ni bilee aayimbil ŋmee ŋidinyik ngbaan mɔmɔk pu.

Bibɔjirb 5:14

Bi nan nyan ni Efraim aatiŋ ni, ki sunn ni kifataŋ ni, ki paa Benjaminn aanibol, ni laanib pu. Bijab aaninkpiib ngbaan nan nyan ni Makir aataŋaal pu, le biyidam nyan Sebulunn aanibol ni.

1 Samuel 2:22

N‑yoonn mue Eli nan por pam. U nan beenin ŋun ujapɔtiib aah nan ŋani Israel yaab mbiin pu na, ni baah kpaan doo bipiib bi tun lituln Uwumbɔr Aabool aabisamɔb na chee pu na.