Mpiin 35:14 - Uwumbɔr aagbaŋ

¹⁴ Nima chee, libuul li ni Uwumbɔr nan len u chee tibɔr na, le Jakob di litakpateerkaan di ŋum nima, le ki di ŋisubil aadaan, ni nkpan kpir li pu, ki ŋa li Uwumbɔr yaal,

Mpiin 35:14 Iomraidhean Croise

Mpiin 31:45

Nima pu na, Jakob nan yoor litakpal libaa le ki di ŋum, ke bi li teer kimɔbaan ngbaan aabɔr.

Mpiin 35:20

Le Jakob di litakpateerkaan libaa ŋum nima chee, le litakpal ngbaan beenin ŋub ki mɔk Rachel aakaakul chee ki nan saa din wee.

2 Samuel 23:16

Le bijakpaam bitaa ngbaan bɔ dii Filistia aajab ni, ki ti lun ni nnyunbun ngbaan ponn ni aanyun, ki di gir ni nan tii David. Le u nan yii, kaa nyun mu; u nan di mu tii Uwumbɔr la,

Nnyam 17:15

Moses nan maa kitork aabimbiln nima chee le ki yin li ke, “Uwumbɔr le ye Maatuutaa.”

1 Samuel 7:12

Samuel nan yoor litakpal ki di ŋum Mispa ni Senn aakaasisik ni, ki bui ke, “Uwumbɔr le ter timi ki nan saa din,” le ki yin li ke, “Nterm Aatakpal.”