Mpiin 35:11 - Uwumbɔr aagbaŋ

¹¹ Le Uwumbɔr nan bui u ke, “Min le ye Uwumbɔr Mpɔɔnsakpiindaan. Maa, ki pɔr, ki li kpa mbim. Aayaabitiib le ga li ye ŋitimbol pam, le aa ga li ye bibɔrb aayaaja.

Mpiin 35:11 Iomraidhean Croise

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Mpiin 13:16

M ga cha aa maa ki pɔr pam, le unii ubaa aan ŋmaa kahn saamaal aanib; bi ga li wiir jer dulnyaa wee aatanbol mɔmɔk aah wiir pu na.

Mpiin 15:5

Le Uwumbɔr nan cha Abram nyan sil lipaal, le ki bui u ke, “Yaar lik paacham, ki pɔɔk aabaa ki kahn iŋmabi; saamaal ponn ni aanib ga li wiir kina la.”

Mpiin 17:1

Buyoonn Abram nan ti saa ŋibin imonko inaa ni kipiik ni ŋiwae na, le Uwumbɔr nan dan u chee ki nan bui u ke, “Min le ye Uwumbɔr Mpɔɔnsakpiindaan. Tii mi naadii, ki li ŋani ni ŋan na n‑yoonn mɔmɔk.

Mpiin 17:16

M ga ŋa tinyoor ŋa u pu, le ki cha u maa ubijabo tii si. M ga ŋa tinyoor ŋa u pu, le u ga li ye ŋitimbol pam aana, le bibɔrb ga nyan ni uyaabitiib ponn ni.”

Mpiin 17:4

“M puu tipuur tii si ke aa ga li ye ŋitimbol pam aate.

Mpiin 18:14

Nibaa pɔɔ min Uwumbɔr chee ee? Maah len pu na, m ga ki gir ni iŋmal iwae aapuwɔb, le Sara ga maa ubijabo.”

Mpiin 18:18

Uyaabitiib ga li kpa mpɔɔn ki ŋa litimbokpaan, u pu le m ga ŋa tinyoor ŋa ŋinibol mɔmɔk pu.

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 28:14

Bi ga li wiir ke kitiŋ aatanbol na. Bi ga yaa gbiin dulnyaa wee ni mɔmɔk. Le sin pu, ni aayaabitiib pu, m ga ŋa tinyoor ŋa ŋinibol mɔmɔk pu.

Mpiin 32:12

Teer ke aa nan puu tipuur tii mi ke aa ga li kii ki ter mi tiwan mɔmɔk ni, ki ga cha m maa pɔr, le n‑yaabitiib ga li wiir ke litambol li dɔ limɔɔl aagbaan na, le ubaa aan ŋmaa kahn bi.”

Mpiin 36:31

Bibɔrb bi aayimbil paa tɔb pu na le nan pue joo Edom aatiŋ, le Israel yaab nan nin kaan bibɔrb. Bi nan jin nnaan ki paa paa tɔb pu kina la: Beor u nan nyan ni Dinhaba aatiŋ ni na aajapɔɔn Bela. Sera u nan nyan ni Bosra aatiŋ ni na aajapɔɔn Jobab. Husam u nan nyan ni Temann aatiŋ ni na. Hadad u nan ye Bedad u nyan ni Afif aatiŋ ni na aajapɔɔn. Bedad le nan to butɔb ki nyaŋ Midiann yaab, Moab aatiŋ ni na. Samla, u nan nyan ni Masreka aatiŋ ni na. Saul, u nan nyan ni Rehobof, kitiŋ ki bi limɔɔl chee na. Akbor aajapɔɔn Baal Hanann. Hadad u nan nyan ni Pau aatiŋ ni na. Upuu Mehetabel nan ye Matred aabisal la, le u nan ye Mesahab aayaabil.

Mpiin 43:14

Uwumbɔr Mpɔɔnsakpiindaan cheen nimi, ki cha uja ngbaan ti san nimi kinimbaak, ki giin Benjaminn ni nikpel uken na mu tii ni nimi. Min kan, ni yaa ye ke m ga kɔŋ maabim le kan, see ni ŋa kina.”

Mpiin 46:3

Le Uwumbɔr bui u ke, “Min le ye Uwumbɔr, u ye aate Aawumbɔr na. Taa san ijawaan ke saan buen Ijipt aatiŋ ni. M ga ŋa saamaal litimbol sakpeln kitiŋ ngbaan ni.

Mpiin 47:27

Israel yaab nan bi Gosenn aapepel ni, Ijipt aatiŋ ni, le bi ma mbim pam, ki kan liwangol mu pam.

Mpiin 9:1

Le Uwumbɔr nan ŋa tinyoor ŋa Nowa ni ujapɔtiib pu, ki bui ke, “Ni maa ki too pɔr kpee, aan niyaabitiib ga pɔr gbiin dulnyaa wee ni.”

Mpiin 9:7

“Ni maa ki too pɔr kpee, aan niyaabitiib ga pɔr gbiin dulnyaa wee ni.”

1 Bibɔrb Aabɔr 16:16

U nan puu ti tii Abraham le ki puu tii Aisak mu.

1 Bibɔrb Aabɔr 16:17

Uwumbɔr puu tipuur ti kaa kpa ndoon na tii Jakob.

1 Bibɔrb Aabɔr 16:18

U bui ke, “M ga di Kanaann aatiŋ tii si. Ki ga li ye saawan la.”

Nnyam 1:7

le biyaabitiib, bi nan ye Israel yaab na, nan ma mbim, le bi pɔr ki wiir ki gbiin Ijipt aatiŋ ni, ki kpa mpɔɔn pam.

Nnyam 2:24

le ni nan chuu u kinimbaak, le u teer tipuur ti u nan puu tii Abraham, ni Aisak, ni Jakob na.

Nnyam 6:3

Min Uwumbɔr Mpɔɔnsakpiindaan nan dan Abraham, ni Aisak, ni Jakob chee, le maa nan cha bi bee maayimbil li ye M‑ye‑na.

Liifai Yaab 26:42

m ga teer tipuur ti m nan puu tii Jakob, ni Aisak, ni Abraham na, ki ki fikr tipuur ngbaan, ki giin maanib aatiŋ tii bi.

2 Korenti 6:18

M ga li ye Nite; ni mu ga li ye njapɔtiib ni mbisatiib. Min Uwumbɔr u kpa mpɔɔn mɔmɔk na, le len kina.”