Mpiin 34:19 - Uwumbɔr aagbaŋ

¹⁹ Le Sekem aah gee Daina pu na nan cha u kii ke u ŋa mala baah len pu na. U mu nan ye uninyuun le waamaal ni.

Mpiin 34:19 Iomraidhean Croise

Mpiin 29:20

Le Jakob nan tun ki ti saa ŋibin ŋilole ngbaan ke u gaa Rachel, le waah nan gee Rachel sakpen pu na, ŋibin ŋilole ngbaan aa nan yunn u chee.

Mpiin 34:18

Hamor ni ujapɔɔn Sekem nan kii tii bi.

Mpiin 34:20

Le Hamor ni ujapɔɔn Sekem nan buen bido yaab aaninkpiib aah kaa nin chee ki kpokl tibɔr na, le ki ti tuk bi Jakob ni ujapɔtiib aah len pu na mɔmɔk.

Mpiin 41:20

Le inaa i kaa filk na di i filk sakpen na di nab;

2 Bibɔrb 5:1

Naamann nan ye Siria aatɔb aajab aayidaan la, le ki kpa kipak, le Siria aabɔr nan nyuŋ u sakpen. U pu le Uwumbɔr nan cha Siria aajab kan linyaŋ butɔb ni pam. U nan ye butɔb aajakpaan la, le ki mu tee kpa tiwon aaween i bir na.

1 Bibɔrb Aabɔr 4:9

Uja ubaa nan bi, bi nan yin u ke Jabes. Waamaal ni aanib mɔmɔk nan lik pak uma baanja la. Waamar nan wu sakpen, nima le una nan yin u ke Jabes.

Solomonn Aalahn 8:6

Taa ki bɔnn upii ubaa ki kpee m pu; taa ki cha aaŋaal bub ubaa ki kpee m pu. Mbɔngeehm pɔɔ ke nkun na la; Mbɔngeehm pɔɔ ke kitekpiitiŋ na la. Mu ti gaal ke mmii na la, le ki wu ke kichook ni aamii na.

Aisaya 5:13

Kina pu na, bi ga yoor nimi di buen tinaagbiir ni. Nkon ga ku nimi aayidam, le nnyunyuu ku bigiim na mu.

Aisaya 62:4

Ubaa aan ki yin si ke, “Baah yii u na,” kaan ki yin saatiŋ ke, “Upii u aachal san cha u na.” Saayimbipɔln le ga li ye ke, Hefsiba. Le saatiŋ mu yoo li ye ke, Bula, ba pu? Uwumbɔr aanimbil gbiin si, ki ga li bi ke chal na le ki tii saatiŋ.

Nkahm 22:15

Balak nan ki gir tun ni binib bi wiir ki ye binikpaam ki jer njan yaab na.

Lituln 13:50

Le bipiib bi kpa mpɔɔn ki pak Uwumbɔr na bi kitiŋ ngbaan ponn ni. Kitiŋ ngbaan aaninkpiib mu nan bi. Le Juu yaab ŋa, ki cha bi ŋma tijar Pɔɔl ni Banabas pu, ki ŋa bi falaa, ki nyan bi baatiŋ ni.

Lituln 17:12

Nima pu na, bi ponn ni pam nan gaa Yesu ki kii. Griik yaab bi nan ye bininyuum na, bijab ni bipiib, mu gaa u ki kii ki wiir.

1 Samuel 22:14

Ahimelek nan kii u ke, “David le ye saatutunn u si aapuwɔb mbamɔm na. U ki ye aachool la, ki ye bijab bi kii si na aaninkpel la. Le unii mɔmɔk tii u kipak, saachiln ponn ni.