Mpiin 34:14 - Uwumbɔr aagbaŋ

¹⁴ ki nan bui bi ke, “Taan cha tininkpan mɔn uja u kaa gii uchakpaln na, ni ga li ye inimɔɔn le ti chee.

Mpiin 34:14 Iomraidhean Croise

Mpiin 17:11

N‑yoonn mue ki joo cha, ni yaa ma ubijabo u ti saa iwiin iniin daal kan, see ni gii uchakpaln, ki mu gii nimi aanaagbiib, ni baabijabim, ni naah daa binib bi na mɔmɔk aachakpan. Nimina le ga mɔk ke tipuur bi tikaasisik ni.

Mpiin 17:14

Uja yaa kaa gii uchakpaln kan, m ga yakr u maanib chee, ba pu? ni mɔk ke u bii taah nan ŋa kimɔbaan ki na.”

Mpiin 34:13

Sekem aah nan jinn Daina inimɔɔn pu na, le Jakob aajapɔtiib nan ŋmann Sekem ni ute Hamor,

Mpiin 34:15

Ni yaa kii ke ni ga geei ni mɔmɔk aachakpan ke taah geei pu na kan, ti mu ga kii ke u mɔn si,

2 Samuel 1:20

Taa mooni ti Gaf aatiŋ ni. Taa tuk Askelonn aatiŋ aanib. Taa cha Filistia aapiib aasui piir; taa cha binib bi kaa dii Uwumbɔr na aabisatiib kan mpopiin.

2 Samuel 15:7

Ŋibin ŋinaa aah jer na, le Absalom bui Ubɔr David ke, “Maaninkpel, tii mi nsan aan m buen Hebronn ki ti gbiin maah nan puu Uwumbɔr ke m ga ŋa pu na.

1 Bibɔrb 21:9

Tigbann ngbaan nan len ke: “Siin kimɔlul aawiin man, ki yin binib mɔmɔk nan kpaan, ki cha Nabof kal bininyuum aakakaa chee,

Matiu 2:13

Baah nan chaa kun na, Josef nan kan Uwumbɔr aatuun tidaŋ ponn ni. Le Uwumbɔr aatuun ngbaan bui u, “Fiin ki yoor ubo ngbaan ni una ki san buen Ijipt aatiŋ ni, ki ti li bi nima ki kiir bundaln m ga nan tuk si ke aa nya nima na. Ubɔr Herod ga li ban ubo ngbaan ke u ku u.”

Matiu 2:8

Le u tun bi ke bi buen Betlehem, ki tuk bi, “Li cha man ki ti bee ubo ngbaan aabɔr mbamɔm. Ni yaa ti kan u kan, ni gir ni man ki nan tuk mi, aan m mu buen ti doon u.”

Rom Yaab 4:11

Waah gii lichakpaln na, nima le nan ye limɔkl ki mɔk ke u gaa Uwumbɔr ki kii, nima le Uwumbɔr gaa u ke u ye uninyaan u chee, buyoonn waa nan kee gii lichakpaln na. Nima pu le Abraham ye binib bimɔk gaa Uwumbɔr ki kii, kaa gii ŋichakpan na aate. Baah gaa Uwumbɔr ki kii na, nima le Uwumbɔr gaa bi ke bi ye bininyaam u chee.

Bibɔjirb 14:3

Ute ni una nan baa u ke, “Ba ŋa aa ban aa ti ban upii, nifam bimina ni? Saan ŋmaa kan usapɔɔn timi aataŋaal ponn ni, timi aanib mɔmɔk ni ii?” Le Samsonn nan bui ute ke, “Uma ngbaan le m ban ke aa chɔi tii mi. M gee uma la.”

1 Samuel 14:6

Le Jonatann bui unachipɔɔn ngbaan ke, “Cha ti puur buen Filistia aanifam ngbaan chee. Nibaakan Uwumbɔr ga ter timi. U yaa ga ter timi kan, nibaa aan ŋmaa kiir u, u taa di linyaŋ ngbaan tii timi ki bui ke taa wiir.”

1 Samuel 17:26

David nan baa bijab bi si duun u na ke, “Uja u ku Filistia aanii wee ki nyan Israel yaab inimɔɔn yee ni na ga kan ba? Filistia aawanfam nee ye ŋma aan ki bi jinni Uwumbɔr u bi n‑yoonn mɔmɔk na aajab inimɔɔn?”

1 Samuel 17:36

M ku ichinn ni takɔ mam, ki ga ŋmaa ŋa Filistia aawanfam ni seei Uwumbɔr u bi n‑yoonn mɔmɔk aajab na mu kina.