Mpiin 34:1 - Uwumbɔr aagbaŋ

¹ Jakob ni waamaal aah nan bi Sekem aatiŋ ni na, daalbaadaal le Jakob ni Lea aabisal Daina buen u ti doon kitiŋ ngbaan aapiib bibaa.

Mpiin 34:1 Iomraidhean Croise

Mpiin 26:34

N‑yoonn mu Esɔ nan saa ŋibin imonko ilee na, le u nan yoor Hef yaab aasapɔm bilee. Bi nan yin ubaa ke Judif, u nan ye Beeri aabisal la, ki yin uken ke Basemaf u nan ye Elonn aabisal na.

Mpiin 27:46

Le Rebeka bui uchal Aisak ke, “Esɔ aapuutiib aabimbin aah bi pu na muk mi sakpen, ki cha naa mɔ mi n‑yoonn mɔmɔk. Jakob mu yaa ki yoor Hef yaab aapiibo ubaa kan, naan ki li mɔ kpala.”

Mpiin 28:6

Esɔ nan ŋun ke ute Aisak ŋa tinyoor ŋa Jakob pu, le ki bui u ke u li cha Mesopotamia aatiŋ ni, ki ti ban upii nima chee. U nan ki ŋun ke Aisak aah ŋa tinyoor ŋa u pu na, u nan sur u ke u taa yoor Kanaann aapiibo.

Mpiin 30:13

Le Lea bui ke, “M kpa mpopiin pam. Dandana wee, bipiib biken ga yin mi ke mpopiindaan.” Nima pu na, u nan yin u ke Aser.

Mpiin 30:21

Le ni joo cha, le u nan ki ma upiibo mu, le ki yin u ke Daina.

Mpiin 33:20

Le Jakob maa libimbiln ki toor kitork ki doon Uwumbɔr nima chee, le ki yin nima ke, El Elohe Israel.

Mpiin 46:15

Jakob aajapɔtiib bi Lea nan ma u chee Mesopotamia aatiŋ ni na le na, ki kpee ubisal Daina. Waabim ni uyaabitiib bi nyan ni u ni Lea aakaasisik ni na kpaan piitaa ni bitaa la.

Jeremia 2:36

Ni di nibaa ŋa dafir aanib, naah chuun dii ŋitimbol ŋiken aawaa pu na pu. Ijipt yaab ga jinn nimi inimɔɔn ke Asiria yaab aah nan ŋa nimi pu na.

1 Timoti 5:13

Ki ki kpee na, bi ga li san ligbanyakl, ki ga li chaa ŋidichal ŋidichal ni. Naa ye ke bi ga li san ligbanyakl baanja la, bi ga li ye bibɔtukb la, ki ga li koo binib aabɔr ni, ki ga len naah kaa ba ŋan bi len pu na.

Taitus 2:5

ki li kpa laasaab, ki taa gɔr kidagook, ki li lik lichiln ni aatuln mbamɔm, ki li kpa tibulchinn, ki li keei bichatiib aamɔi, aan ubaa taa bii Uwumbɔr aabɔr.