Mpiin 33:3 - Uwumbɔr aagbaŋ

³ le Jakob loln bi pu nsan. Waah pii ukpel Esɔ chee na, le u gbaan kitiŋ nfum mulole.

Mpiin 33:3 Iomraidhean Croise

Mpiin 18:2

le ki yaar lik, ki kan bijab bitaa bibaa si nima chee. Waah ti yaar kan bi na, le u san buen bi chee, ki nan ti gbaan binimbiin ni, le ki di unimbil kpaa kitiŋ,

Mpiin 33:2

U nan di binaagbiipiib ngbaan ni baabim le di loln nsan, le Lea ni waabim mu paa, le Rachel ni Josef gbeln kookoo,

Mpiin 42:6

Le Josef aah nan ye Ijipt aatiŋ ngbaan aayidaan ki lik tijikaar aabɔr pu na, uma le nan kooh tijikaar ngbaan tii dulnyaa aanib mɔmɔk. Nima pu na, Josef aakpetiib mu nan dan ki nan gbaan unimbiin ni.

Mpiin 43:26

N‑yoonn mu Josef nan fuu ni udo na, le bi di ipiin ngbaan buen u chee, ki ti gbaan unimbiin ni, ki di tii u.

Mpiin 48:12

Le Josef yaar waabim ngbaan ute aataŋaayil chee, le ki gbaan ute aanimbiin ni.

Ŋiyataŋak 6:3

Aa yaa koo kina aabɔr ni kan, saah ga ŋa pu ki nya na sɔ. Ŋa mala ki buen udaan chee ki ti gaŋ u ke u di cha pinn si.

Ulandaan 10:4

Saatindaan yaa gee aa pu liŋuul kan, taa kpaan bui ke saa ki ye waatutunn. Aa yaa sɔŋ aalan kan, taani sakpiin ga ŋmaa kan chapinn.

Tibɔnyaan ti Luk ŋmee ti na 14:11

Naatataa le ye ke unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Jɔnn 10:15

ke Nte Uwumbɔr aah nyi mi pu na, kina le m mu nyi u. Le m ga kpo maapiih pu; ba pu? m ye upihdaanyaan na la.

Jɔnn 10:4

U yaa nyan waapiih mɔmɔk kan, le u loln nsan, le i paa u pu; ba pu? i nyi waaneel.

1 Samuel 2:5

Binib bi nan kpa ki ji babr na gur joo bibaa le kooh ki kpiini bibaa; nkon aah nan joo bi na gur ji gunni la. Upii u nan ye uŋoob na gur kpa mbim mulole la, le upii u nan kpa mbim pam na aa ki kpa ubaa gur.