Mpiin 32:7 - Uwumbɔr aagbaŋ

⁷ Ijawaan nan chuu Jakob, le ni muk u. U nan chuu yakr binib bi bi u chee na nfum mulee, ki yakr waapiih, ni iŋoob, ni inaa, ni laakumii tiib mu kina.

Mpiin 32:7 Iomraidhean Croise

Mpiin 32:11

M mee si ke aa gaa mi nkpel Esɔ chee lii. M san ijawaan ke nibaakan u ni waanib choo bi nan ku ti mɔmɔk, hali ki ku bipiib ni mbim mu la.

Mpiin 32:3

Le Jakob tun bitutum bi loln u pu nsan ki buen ukpel Esɔ chee, Edom aatiŋ ni.

Mpiin 32:8

U nan dak ke, “Esɔ yaa ban ke u tak bi kan, u ga pii njan aanib la, lelee yaab na ga ŋmaa san ŋmar.”

Mpiin 33:1

Tɔ, Jakob kan ke Esɔ ni waajab ikui inaa ngbaan choo; nima pu le u chuu yakr waabim ki tii Lea, ni Rachel, ni binaagbiipiib bilee na.

Mpiin 35:3

Ti ga nya do ki buen Betel aatiŋ ni, nin chee m ga ti maa libimbiln ki toor kitork tii Uwumbɔr u ter mi maamukl mɔmɔk ponn ni, ki bi m chee ni kookoo na.”

Ilahn 107:6

Le baamukl ni, bi yin Uwumbɔr, le u nyan bi baafalaa ngbaan ni.

Ilahn 112:5

Unii u pinn biken tiwan, kaa san ijawaan, kaa kpa beebee waatuln ni na kpa mpopiin.

Ilahn 142:4

M yaa fenn lik nsikakl mɔmɔk kan, ubaa aa bi ki ga ter mi, ubaa aa bi ki ga li kii mi, ubaa aatafal aa bi m ni.

Ilahn 31:13

M ŋun maadim looni ki len; tibɔbir le mann goln mi. Bi bi ban isan m pu la, bi kpokl ke bi ku mi la.

Ilahn 61:2

Buyoonn maa bi linampal aan nsui bii na, le m yin si. Di mi buen mbɔbɔryaan mu ŋan na chee,

Nnyam 14:10

N‑yoonn mu Israel yaab kan ubɔr ngbaan ni waajab paa ni bi pu na, le ijawaan chuu bi, le bi wii yin Uwumbɔr ke u ter bi,

Ŋiyataŋak 2:11

Saalan mu cha aa beer tiwan aatataa na ga li kii si,

Aisaya 28:26

U nyi waah ga ŋa waatuln pu na; ba pu? Uwumbɔr mɔk u a.

Matiu 10:16

“M ga tun nimi, ni ti moon Uwumbɔr aabɔr. Ni ga li bi ke ipiih i bi ŋisapol aakaasisik ni na la. Ni li kpa nlan ke iwaa aah kpa nlan pu na, ki li bi suuna ke ŋinanjel aah bi pu na.

Matiu 8:26

Le u bui bi, “Ba ŋa ni san ijawaan? Naa gaa mi ki kii mbamɔm.” Le u fii ki kae kibuŋ ni nnyun. Le kibuŋ ni nnyun mɔk ŋmin chii.

Jɔnn 16:33

M tuk nimi tibɔr timina ke ni li kpa nsuudoon m pu. Ni ga kan falaa dulnyaa ni. Ni li kpa lipobil man; ba pu? m nyaŋ dulnyaa a.”

Lituln 14:22

Baah dii ntim ngbaan ni na, le bi pɔɔk Yesu aanib aataakpab, ki toor tuk bi Uwumbɔr aabɔr, le ki tuk bi ke bi sil Yesu aachaŋ ni, ke binib yaa ban bi koo Uwumbɔr aanaan ni kan, bi ga ji falaa sakpen le ki nin koo ni.

2 Korenti 1:4

Timi aafalaa mɔmɔk ponn ni u sɔŋni tisui, ke ti mu ga ŋmaa sɔŋ binib bi bi falaa mɔmɔk aabɔŋ ni na aasui. Ti mu ga sɔŋ bisui ke Uwumbɔr aah sɔŋ tisui pu na.

2 Timoti 3:12

Ni ye mbamɔn la, binib bimɔk ye Yesu Kristo yaab ki ban ke bi li bi mbamɔm Uwumbɔr aanimbiin ni na, binib ga ŋa bi falaa la.