Mpiin 32:30 - Uwumbɔr aagbaŋ

³⁰ Jakob nan bui ke, “M kan Uwumbɔr aanimbil wɔb le ki laa beenin fu.” Nima pu le u nan yin nima chee ke Peniel.

Mpiin 32:30 Iomraidhean Croise

Mpiin 16:13

Hagar nan baa ubaa ke, “M sil kan Uwumbɔr, le ki beenin bi limɔfal ni, ki ga ŋmaa tuk binib maah kan u pu na aa?” Le u nan yin Uwumbɔr u nan len u chee tibɔr na ke, “Sin le ye Uwumbɔr u waa mi na.”

Mpiin 28:19

le ki yin nima chee ke Betel. Bi nan yin kitiŋ ngbaan n‑yoonn mubaa ke Lus.

Mpiin 35:9

Jakob aah nan gir nyan ni Mesopotamia aatiŋ ni ki cha kina na, le Uwumbɔr nan ki dan u chee ki nan ŋa tinyoor ŋa u pu,

1 Bibɔrb 12:25

Israel yaab aabɔr Jeroboam nan maa ŋigon kiir Sekem aatiŋ ki bi Efraim aagongon aatiŋ pu na, ki koo nima ni yunn siib, le ki nyan nima ki buen ti maa ŋigon gob Penuel aatiŋ.

Nnyam 33:14

Le Uwumbɔr bui u ke, “M mamaŋ ga dii si buen, le ki ga tii si lifuur.”

Aisaya 6:5

Le m bui ke, “Maabɔr doo a. Maamɔfal junn le na; ba pu? tibɔr timɔk nyani mmɔb ponn ni na ye titunwanbir aabɔr la, le maah bi binib bi ponn ni na mu aabɔr ye titunwanbir la. Le nimina mɔmɔk aapuwɔb, m kan Ubɔrkpaan ngbaan, Uwumbɔr Mpɔɔnsakpiindaan.”

Aisaya 9:5

Mmii le ga wu bijab ngbaan aajaak aanaatak ni baabɔkul ŋi gur ye nsin ŋmeen na.

Nkahm 12:8

Nima pu na, m sii u chee le ki len, naa ye ŋiyataŋak ponn ni, le u kan maah bi pu na. Ni ŋa kinye aan ni galni maatutunn Moses kina?”

Jɔnn 1:18

Ubaa aa kee kan Uwumbɔr. Ujapɔnbaal Yesu Kristo, u bi ke Ute Uwumbɔr aah bi pu na, ki bi u chee na, uma le tuk timi Uwumbɔr aah bi pu na.

1 Korenti 13:12

Dandana, ni bi ke ti lik kinimbilikr, ki lik puu na la; n‑yoonn mu choo na, tiwan nibaa aan nan ki li bi tinimbiin ni ki doŋ timi tiwan nibaa chee. Ti ga li waa tiwan mɔmɔk chain. Dandana m nyi ngem. N‑yoonn mu choo na, m ga nan li nyi ni mɔmɔk, ke Uwumbɔr aah nyi maabɔr mɔmɔk pu na.

2 Korenti 3:18

Ti mɔmɔk waa Tidindaan aah wiin chain pu na. Nibaa aa bi ki dok timi ke ti taa li waa u. Tidindaan u ye Nfuur Nyaan na le cha ti bi kpelni, ki naŋni u, ki moo wolni n‑yoonn mɔmɔk, ke waah wiin chain pu na.

2 Korenti 4:6

Uwumbɔr u nan len ke “Cha nwiihn woln mbɔmbɔɔn ni” na, uma le woln tinimbil, ke ti bee waah ŋan sakpen pu na. Yesu Kristo aabimbin aah bi pu na le mɔk timi Uwumbɔr aah ŋan sakpen pu na.

Galantiya 1:6

Kristo aanimbaasaln pu, le Uwumbɔr yin nimi ke ni dii u. Ni tee gar mi pam; ba pu? ni ban ni di Uwumbɔr lii mala, ki gaa tibɔyayan,

Efesusi 1:17

ki teer nimi maameel ponn ni. Tite Uwumbɔr, u ye Tidindaan Yesu Kristo Aawumbɔr, ki yeh lisil mɔmɔk na aah woln ninimbil pu na, m mee u ke u tii nimi Waafuur Nyaan mu ga tii nimi nlan, ki kpiir Uwumbɔr aah bi pu na mɔk nimi na, aan ni bee u mbamɔm, ki bee waah yin nimi ki tii nimi limakl pu na, ki bee waah ga tii waanib paacham aawan ni mɔ sakpen na pu na,

Ikaal 34:10

Israel yaab aatiŋ ni, Uwumbɔr aabɔnabr ubaa aa kee nyan ki bi ke Moses aah nan bi pu na, le Uwumbɔr nan len Moses chee tibɔr.

Ikaal 5:24

ki nan bui ke, ‘Tidindaan Uwumbɔr mɔk timi waapɔɔn sakpiin, ni waanyuŋ, buyoonn ti ŋun u len mmii ni na. Din wee, ti kan ke Uwumbɔr yaa len unii chee tibɔr kan, udaan ngbaan ga ŋmaa li beenin fu.

Kolosiya 1:15

U ye Uwumbɔr u taa waa u na aanaŋ, ki ye tiwan nimɔk Uwumbɔr naan ni na Aayidaan;

2 Timoti 1:10

Dandana wee, ti kan waah ŋa timi tibulchinn pu na; ba pu? Yesu Kristo, u gaal timi lir na, dan dulnyaa wee ni ki nan kuln nkun, ki tii timi limɔfal li kaa kpa ndoon na. Waabɔnyaan tee le kpiir kina.

Hiibru Yaab 11:27

Waah nan gaa Uwumbɔr ki kii pu na le u nan nyan Ijipt aatiŋ ni, kaa san ubɔr na aah gee liŋuul pu na. Ni naahn ke u waa Uwumbɔr u unibɔn aanimbil aan ŋmaa kan u na la. Nima le u nan kpa limɔr le ki sil mbamɔm.

Josua 5:13

Buyoonn Josua nan bi gbɔk Jeriko aatiŋ na, le uja ubaa kpaan nyan sil u chee, unimbiin ni, le ki joo kijaak aajuk. Josua nan buen u chee le ki ti baa u ke, “Aa ye timi aajab ponn ni ubaa, bee aa ye timi aadin la?”

Bibɔjirb 13:17

Manoa nan gar u ke, “Tuk timi saayimbil, aan saamɔbon yaa nan gbiin kan, ti nyuŋ si.”

Bibɔjirb 13:18

Ntuun ngbaan nan baa ke, “Ba ŋa ni ban ni bee maayimbil? Li ye lijinjiir aayimbil la.”

Bibɔjirb 8:17

U nan tur Penuel aatiŋ aadifɔfɔŋ na mu lii, ki ku kaajab.

Bibɔjirb 8:8

Gideonn nan di jer ti fuu Penuel aatiŋ ni, ki ki mee nima chee aanib mu mmeen baan ngbaan, le Penuel aajab mu ki gar u ngarm baan mu Sukof aajab tii u na.