Mpiin 32:29 - Uwumbɔr aagbaŋ

²⁹ Le Jakob bui ke, “Aa mu tuk mi saayimbil.” Le u nan baa u ke, “Ba ŋa aa ban ke aa bee maayimbil?” Le u ŋa tinyoor ŋa Jakob pu.

Mpiin 32:29 Iomraidhean Croise

Mpiin 17:5

Baan ki li yin si ke Abram, bi ga li gur yin si ke Abraham la, ba pu? m ban m ŋa si ŋitimbol pam aate la.

Mpiin 35:10

ki bui u ke, “Bi yin si Jakob la, tɔ, yoor din ki joo cha bi ga li yin si ke Israel la.” Kina le Uwumbɔr nan yin u ke Israel.

Mpiin 35:9

Jakob aah nan gir nyan ni Mesopotamia aatiŋ ni ki cha kina na, le Uwumbɔr nan ki dan u chee ki nan ŋa tinyoor ŋa u pu,

1 Bibɔrb 18:31

U nan ban ŋitakpal kipiik ni ŋilee, libaa mɔk si ŋinibol kipiik ni ŋilee ŋi joo Jakob aajapɔtiib aayimbil na. Jakob ngbaan le Uwumbɔr nan yin u ke Israel na.

2 Bibɔrb 17:34

Bi beenin joo baakaal le ki nan saa din na. Baa dooni Uwumbɔr, kaa kii tii ikaal, ni mmɔkm mu u nan di tii Jakob aayaabitiib na. Jakob le Uwumbɔr nan ki yin ke Israel na.

1 Bibɔrb Aabɔr 1:34

Abraham aajapɔɔn Aisak nan ma mbijabim mulee la, Esɔ ni Jakob.

Job Aagbaŋ 11:7

Aa ga ŋmaa mɔk Uwumbɔr aapɔɔnsakpiin aanaanmɔk aa?

Ŋiyataŋak 30:4

Ŋma kee bee paacham aalan mbamɔm? Ŋma kee chuu libuln ŋa uŋaal ni? Ŋma kee di nnyun poo likekeln ni? Ŋma kee siin kitiŋ aanaanmɔk? Aa yaa nyi kan, ŋma ye udaan, ŋma ye ujapɔɔn?

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Hosea 6:1

Binib ngbaan len ke, “Cha ti gir Uwumbɔr chee man. U tii timi titotonn, le ki ga sil tii timi laafee; u tii timi ibuun, le ki ga sil ban litaln poo biin i pu, u ga sil ŋa kina.

Nkahm 20:14

Baah nan ka Kades aatiŋ ni na, le Moses nyan ntuuntiib tun Edom yaab aabɔr chee. Bi nan ti bui u ke, “Tibɔr tee nyan ni aanaabitiib Israel yaab chee la. Aa nyi taah ji falaa umɔk na.

Tibɔnyaan ti Luk ŋmee ti na 1:19

Le Uwumbɔr aatuun ngbaan bui u, “M ye Gabriel u si Uwumbɔr aanimbiin ni na la. U tun ni mi ke m nan tuk si tibɔnyaan tee.

Ikaal 29:29

“Tiwan ngem bi, le Tidindaan Uwumbɔr di ni bɔr, kaa cha ti nyi ni. Le u tee kpiir Waakaal mɔk timi, ni ŋan ke ti ni timi aabim kii waamɔb, ki li joo i mbamɔm, ki cha n‑yoonn mu kaa kpa ndoon na.