Mpiin 32:28 - Uwumbɔr aagbaŋ

²⁸ Le ntuun ngbaan bui ke, “Saah mɔn ki nyaŋ Uwumbɔr ni unibɔn na, nima pu na, bi ga li gur yin si ke Israel la, baan ki yin si ke Jakob.”

Mpiin 32:28 Iomraidhean Croise

Mpiin 17:15

Uwumbɔr nan ki bui Abraham ke, “Aa taa ki yin aapuu ke Sarai, n‑yoonn mue ki joo cha, aa li gur yin u ke Sara.

Mpiin 17:5

Baan ki li yin si ke Abram, bi ga li gur yin si ke Abraham la, ba pu? m ban m ŋa si ŋitimbol pam aate la.

Mpiin 25:31

Jakob nan giin bui u ke, “Di tininkpir tii mi aan m mu tii si tikpin ngbaan.”

Mpiin 31:24

Kinyeek ngbaan le Uwumbɔr nan dan Labann chee tidaŋ ni, le ki bui u ke, “Aa li nyi ki taa ŋa Jakob nibaa.”

Mpiin 32:24

le u nan labr ti doon ubaa, lipepel liken na wɔb. Nima chee le Uwumbɔr aatuun dan kinyeek ngbaan, le bi nan mɔn kitaak ti ban ki woln.

Mpiin 32:27

Ntuun ngbaan nan baa u ke, “Bi yin si ke ba?” Le u bui ke, “Jakob.”

Mpiin 33:20

Le Jakob maa libimbiln ki toor kitork ki doon Uwumbɔr nima chee, le ki yin nima ke, El Elohe Israel.

Mpiin 33:4

Esɔ ma nan san ni, le ki nan bub chuu u, le ki moor utakpiln, le bimɔk bilee nan wii tɔb pu.

Mpiin 35:10

ki bui u ke, “Bi yin si Jakob la, tɔ, yoor din ki joo cha bi ga li yin si ke Israel la.” Kina le Uwumbɔr nan yin u ke Israel.

2 Samuel 12:25

ki tuk waabɔnabr Natann ke u ti yin ubo ngbaan ke Jedidia; ba pu? Uwumbɔr nan gee u.

1 Bibɔrb 18:31

U nan ban ŋitakpal kipiik ni ŋilee, libaa mɔk si ŋinibol kipiik ni ŋilee ŋi joo Jakob aajapɔtiib aayimbil na. Jakob ngbaan le Uwumbɔr nan yin u ke Israel na.

2 Bibɔrb 17:34

Bi beenin joo baakaal le ki nan saa din na. Baa dooni Uwumbɔr, kaa kii tii ikaal, ni mmɔkm mu u nan di tii Jakob aayaabitiib na. Jakob le Uwumbɔr nan ki yin ke Israel na.

1 Bibɔrb Aabɔr 1:34

Abraham aajapɔɔn Aisak nan ma mbijabim mulee la, Esɔ ni Jakob.

Ŋiyataŋak 16:7

Uwumbɔr aasui yaa piin aa pu kan, saadim ga kpaln aajɔtiib la.

Aisaya 43:1

Israel yaab, Uwumbɔr u naan nimi na bui ke, “Taa san ijawaan man, m ga gaa nimi lii. Min le yin nimi, nimi aayimbil, ni ye maanib la.

Aisaya 65:15

Maanib bi m nyan bi na ga li joo nimi aayimbil le puuni lir binib pu, ke bi li bee fam ke nimi na. Min, Bidindaan Uwumbɔr le ga ku nimi, le ki tii binib bi kii maamɔb na liyimbipɔln.

Nkahm 13:16

Bisalolm ngbaan le Moses nan tun ke bi ti pekr kitiŋ ngbaan. U nan kpeln Nunn aajapɔɔn Hosea aayimbil ki yin u ke Josua.

Jɔnn 1:42

Le u di u dan Yesu chee. Le Yesu lik Piita, ki bui u, “Bi yin si le ke Simonn, Jɔnn aajapɔɔn. Bi ga li gur yin si ke Siifas la.” Siifas aatataa le ye ke “litakpal.” Siifas ni Piita ye liyimbibaan la.

Tibɔkpiirkaan 2:17

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na kan, m ga tii u tijikaar ti bɔr aan bi yin ti ke mana na, ki ga tii u litakpapiln li liyimbipɔln ŋmee li pu na. Ubaa aan li nyi liyimbipɔln ngbaan; unii u gaa li na baanja le ga li nyi.

1 Samuel 26:25

Sɔɔl nan bui David ke, “Maabo, Uwumbɔr biin aa pu. Aa ga kan tinyoor saatuln mɔmɔk ni.” Le David siir ki kal waasan pu, le Sɔɔl mu gir kun.