Mpiin 32:25 - Uwumbɔr aagbaŋ

²⁵ Uwumbɔr aatuun ngbaan aah kan ke waa ŋmaa nyaŋ u na, le u nyii Jakob aakpiik, le ki kper.

Mpiin 32:25 Iomraidhean Croise

Mpiin 19:22

Ŋa mala ki li san man. Ni yaa kaa fuu kitiwaatiir ngbaan ni kan, maan ŋmaa tun maah ban m ŋa pu na.” Lot aah nan yin kitiŋ ngbaan ke kitiwaatiir na, le bi yin ki ke Soar.

Mpiin 32:24

le u nan labr ti doon ubaa, lipepel liken na wɔb. Nima chee le Uwumbɔr aatuun dan kinyeek ngbaan, le bi nan mɔn kitaak ti ban ki woln.

Mpiin 32:26

Le ntuun ngbaan bui u ke, “Ni ban ni woln la, di mi lii, aan m li cha.” Le Jakob bui u ke, “Maan cha aa buen, see aa ŋa tinyoor ŋa m pu.”

Mpiin 32:32

Hali, ki yoor ni Jakob aayoonn na ki nan saa din, Israel yaab aa ji kikpiik pu aanann; ba pu? Jakob aakpiik pu le Uwumbɔr aatuun ngbaan nan nyii.

Aisaya 41:14

Uwumbɔr bui ke, “Israel yaab, naah par kaa ki kpa mpɔɔn mu pu na, taa san man ijawaan, m ga ter nimi. Min, u ye nimi Israel yaab Aawumbɔr u bi chain na, min le ye u gaal nimi lir na.

Aisaya 45:11

Uwumbɔr u ye Israel yaab Aadindaan u bi chain ki ŋani n‑yoonn mu laa choo na waah gee pu na bui ke: “Naa kpa nsan ke ni baa mi maabim aabɔr, bee ni tuk mi maah ga ŋa pu na.

Matiu 26:41

Ni li ka lik man, aan ki li mee Uwumbɔr, aan ki taa koo ntɔŋ ni. Nisui ban ke ni li lik, le tiwon aa pɔɔ.”

Matiu 26:44

Le u siir cha bi, le ki ki foor siib, ki ki mee Uwumbɔr taataa, ki ki bui u tibɔr tichachaan ngbaan.