Mpiin 32:13 - Uwumbɔr aagbaŋ

^13-15 Jakob aah nan doon kinyeek ki woln na, le u nan nyan waawakor ponn ni tibaa, u di tii ukpel Esɔ ipiin. U nan nyan iŋoninkpel ikui ilee, ni iŋoja moninko, ni ipihninkpel ikui ilee, ni ipihja moninko, ni laakumii tiib bi joo mbim na piitaa, ni inaaninkpel imonko ilee, ni inaaja kipiik, ni iboninkpel moninko, ni ibonja kipiik.

Mpiin 32:13 Iomraidhean Croise

Mpiin 13:16

M ga cha aa maa ki pɔr pam, le unii ubaa aan ŋmaa kahn saamaal aanib; bi ga li wiir jer dulnyaa wee aatanbol mɔmɔk aah wiir pu na.

Mpiin 15:5

Le Uwumbɔr nan cha Abram nyan sil lipaal, le ki bui u ke, “Yaar lik paacham, ki pɔɔk aabaa ki kahn iŋmabi; saamaal ponn ni aanib ga li wiir kina la.”

Mpiin 18:2

le ki yaar lik, ki kan bijab bitaa bibaa si nima chee. Waah ti yaar kan bi na, le u san buen bi chee, ki nan ti gbaan binimbiin ni, le ki di unimbil kpaa kitiŋ,

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 33:10

Le Jakob bui u ke, “Ayii, aa yaa sil di cha pinn mi kan, gaa maapiin ngbaan. Saah gaa mi ki cha m kan aanimbil wɔb na, ni naahn ke maah kan Uwumbɔr aanimbil wɔb le na.

Mpiin 33:8

Le Esɔ ki baa ke, “Tiwakor ti m ba puen ton ti na nyan ni la?” Le Jakob bui ke, “Ipiin i m tii si na le bi na.”

Mpiin 42:6

Le Josef aah nan ye Ijipt aatiŋ ngbaan aayidaan ki lik tijikaar aabɔr pu na, uma le nan kooh tijikaar ngbaan tii dulnyaa aanib mɔmɔk. Nima pu na, Josef aakpetiib mu nan dan ki nan gbaan unimbiin ni.

Mpiin 43:11

Le bite bui bi ke, “Ni yaa ye kina kan, li joo ipiin i nyan ni timi aatiŋ kee ponn ni ki ŋan sakpen na, ki ti tii uninkpel ngbaan: ni ban tulalee u nu mɔ na, ni tisiir, ni tikpin, ni ŋisubil ŋi mɔ na.

Mpiin 43:26

N‑yoonn mu Josef nan fuu ni udo na, le bi di ipiin ngbaan buen u chee, ki ti gbaan unimbiin ni, ki di tii u.

Nehemia 4:13

Kina pu le m nan tii maanib kijaak aajum, ni tikpaatunn, ni itɔi ki yakr bi siin siin mmaal mmaal nin chee mɔk aa nan kee maa doo na.

Ŋiyataŋak 17:8

Binib bibaa dak ke igaŋgaŋlik tun ke nnyɔk na la; bi kpa gaakii ke i ga ŋmaa ŋa tiwan mɔmɔk tii bi.

Ŋiyataŋak 18:16

Aa ban ke aa kan uninyuun aa? Tii u ipiin, le naan ki li pɔɔ.

Ŋiyataŋak 19:6

Unii mɔmɔk ban bininyuum aajɔtiik la; unii mɔmɔk jɔnni binib bi tii baaterm na la.

Ŋiyataŋak 21:14

Ubaa yaa gee aa pu liŋuul, aan aa bɔr ki tii u ipiin kan, i ga sɔŋ waaŋuul.

1 Samuel 25:27

Maaninkpel, m gaŋ si, gaa maah joo ni si tiwan ni na, ki di tii saajab.

1 Samuel 25:8

Baa saapihkpaab, le bi ga bui si mbamɔn. Ti dan njim daal la, le David bui ke aa gaa timi mbamɔm. Ti gaŋ si ke aa tii timi saanaagbiib, ni aajɔnyaan David, saah ga ŋman pu na.”