Mpiin 32:10 - Uwumbɔr aagbaŋ

¹⁰ Lik saah ŋa mi, saanaagbiija, tiŋann, ni saah kii mi ki joo mi pu na; maa ba ŋeer aa ŋa mi kina. Maah nyan ni nte do ki puur Jɔɔdann aamɔɔl na, m nan joo kijaangbeek baanja la, le dandana wee, sin pu, m kpa ŋiniker ŋilee, ni tiwakor ŋiker ŋilee ŋimina.

Mpiin 32:10 Iomraidhean Croise

Mpiin 18:27

Abraham nan ki mee Uwumbɔr ki bui u ke: “M gaŋ si, cha pinn mi, maah beenin kpa lipobil ki bi len tibɔr aa chee na. Ndindaan, m ye unibɔn la, le kaa kpa nsan m kpak si tibɔr.

Mpiin 24:12

Unaagbiija ngbaan nan bi mee Uwumbɔr ke, “Uwumbɔr, u ye maaninkpel Abraham Aawumbɔr na, cha m kan maah ban pu na, ki gbiin saah puu ke aa ga ŋa pu ki tii maaninkpel na.

Mpiin 24:27

U nan bui ke, “M pak Uwumbɔr u ye maaninkpel Abraham Aawumbɔr, ki gbiin waah nan puu tipuur ti tii u na. U cha m nan tuur maaninkpel Abraham aamaal aachiln ni aanii le pu.”

Mpiin 28:13

Le u kan ke Uwumbɔr si gbɔk u ki bui u ke, “Min le ye Uwumbɔr, aayaaja Abraham ni aate Aisak Aawumbɔr. M ga di kitiŋ ki aa dɔ ki pu na tii aa ni aayaabitiib.

Mpiin 28:15

Taa suln, ki li teer n‑yoonn mɔmɔk ke m ga li bi aa chee, le ki ga li joo si saah ga buen nimɔk na, ki ga ki giin ni si kitiŋ kee pu. Maan di si lii see m ŋa maah puu ke m ga ŋa si pu na.”

Mpiin 30:43

Kina le Jakob nan ŋa mpɔɔndaan ki kpa tiwakor, ni binaagbiib, ni laakumii tiib, ni ibon sakpen.

Mpiin 31:3

Le Uwumbɔr nan bui Jakob ke, “Gir kun aate, ni aado yaab aatiŋ ni. M ga li bi aa chee.”

Mpiin 32:5

M kpa inaa, ni ibon, ni ipiih, ni iŋoob, ni binaagbiib pam. Maaninkpel, nima pu le m tun ni ke bi nan tuk si, aa tii mi nsan m gir kun ni.”

Mpiin 32:7

Ijawaan nan chuu Jakob, le ni muk u. U nan chuu yakr binib bi bi u chee na nfum mulee, ki yakr waapiih, ni iŋoob, ni inaa, ni laakumii tiib mu kina.

2 Samuel 17:24

Buyoonn Absalom ni Israel yaab ti puur Jɔɔdann aamɔɔl na, David ni waajab nan fuu Mahanaim aatiŋ ni.

2 Samuel 7:18

Le Ubɔr David buen Uwumbɔr Aabool ni, ki ti kal ki mee Uwumbɔr ke, “Ndindaan Uwumbɔr, maa ŋeer saah puen ŋa tiwan ni tii mi na, le maadichal mu aa ŋeer kina.

Job Aagbaŋ 17:9

Binib bi bui ke bi ye kipak aanib na moo kani ntaakpab pɔɔn ke bima le kpa mbamɔn.

Job Aagbaŋ 8:7

Saawangol limɔk wɔŋ na aa ye nibaa. Uwumbɔr aah ga tii si li n‑yoonn ngbaan na ga jer lima ngbaan pel pel.

Ilahn 16:2

M bui Uwumbɔr ke, “Sin le ye Ndindaan; tiwanyaan nimɔk m kpa na nyan ni aa chee la.”

Ilahn 18:35

Uwumbɔr, aa kii mi, le ki gaal mi lir, saaterm tii mi liyimbil, le saapɔɔn tii mi ŋŋmarm.

Ilahn 61:7

Uwumbɔr, cha u li bi aanimbiin ni ki joo waanib n‑yoonn mɔmɔk; li joo saageehm mu bi n‑yoonn mɔmɔk na, ni saaŋann na kii u.

Ilahn 8:5

Sin baanja le jer u; aa di kipak ni liyimbil le di tii u.

Ilahn 84:7

Baah cha na le bi moo pɔɔk; bi ga kan dindatiib mɔmɔk Aawumbɔr Sionn pu.

Ilahn 85:10

Ngeehm ni ibamɔn ga chuu tɔb; le mbimbinyaan ni nsuudoon ga bob tɔb.

Ŋiyataŋak 4:18

Mbimbinyaandam aah dii nsan mu na naahn nwiin aah puu pu na la, mu wiin, le ki moo wolni ki ti saa buyoonn mu ga nya ni kookoo na.

Aisaya 6:5

Le m bui ke, “Maabɔr doo a. Maamɔfal junn le na; ba pu? tibɔr timɔk nyani mmɔb ponn ni na ye titunwanbir aabɔr la, le maah bi binib bi ponn ni na mu aabɔr ye titunwanbir la. Le nimina mɔmɔk aapuwɔb, m kan Ubɔrkpaan ngbaan, Uwumbɔr Mpɔɔnsakpiindaan.”

Aisaya 63:7

Le m bui ke m ga len Uwumbɔr aageehm aah kaa door pu na; m ga pak u waah ŋa pu tii timi na pu. U ŋa tinyoor ti nyuun na ŋa Israel yaab pu, waageehm, ni waanimbaasaln pu.

Maika 7:20

Aa ga mɔk saanib, Abraham ni Jakob aayaabitiib, ke saah bi mbamɔm ki kpa ngeehm n‑yoonn mɔmɔk pu na, ke saah nan puu tii tiyaajatiib n‑yaayoonn na pu na.

Tibɔnyaan ti Luk ŋmee ti na 17:10

Ni mu bi ke unaagbiija ngbaan aah bi pu na la. Ni yaa ŋa Uwumbɔr aah tuk nimi ke ni ŋa pu na mɔmɔk kan, ni bui ke, ‘Taa ŋeer ubaa pak timi. Ti po ŋa taah ba ga ŋa pu na la.’”

Tibɔnyaan ti Luk ŋmee ti na 5:8

Simonn Piita aah kan kina na, le u gbaan Yesu aanimbiin ni, ki bui u, “Ndindaan, siir m chee. M ye titunwanbirdaan la.”

2 Korenti 12:11

Ni yaa ba pak mi kan, ni ba ga li ŋan. Naah kaa pak mi na, nima le cha m pak mbaa ke ujɔr na. M yaa kaa bi tibɔr tibaa ni kan, binib bi ŋmanni ke bi ye Yesu aakpambalb na aa jer mi.

Ikaal 8:18

Ni teer ke Nidindaan Uwumbɔr le ŋa nimi biwankpadam; waah nan puu tipuur ti tii niyaajatiib na, le u beenin joo ti, ki ŋa kina.

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”