Mpiin 31:47 - Uwumbɔr aagbaŋ

⁴⁷ Labann aaliin ponn ni u nan yin nima chee ke, Jegar Sahadufa. Le Jakob mu aaliin ponn ni, u yin nima chee ke Galeed,

Mpiin 31:47 Iomraidhean Croise

Mpiin 31:46

U nan bui waanib ngbaan ke bi kuuni ŋitakpal ki nan di bil libuul libaa ni. Le bi nan kal ŋitakpal ngbaan chee ki jin tijikaar.

2 Samuel 24:6

le ki nyan nima ki buen Gilead, ni Kades, ntim mu bi Hef yaab aapepel ni na, le ki nyan nima ki buen Dann aanibol aapepel ni, ki nyan nima, ki buen liwilir wɔb, Saidonn aatiŋ ni.

Hiibru Yaab 12:1

Tɔ, n‑yaayoonn na aanib bi nan gaa Uwumbɔr ki kii na wiir pam, ki gonn timi, ki lik taah dii Uwumbɔr aasan pu na. Nima pu na, cha ti di tiwan nimɔk leŋ timi na lii, ki di cha titunwanbir ti dii timi na, ki li kpa limɔr, ki li dii Uwumbɔr aasan.

Josua 22:34

Rubenn ni Gad yaab nan bui ke, “Libimbiln lee ye seeraa ke Uwumbɔr le ye Tidindaan.” Kina pu le bi nan yin libimbiln ngbaan ke, “Seeraa.”