Mpiin 31:41 - Uwumbɔr aagbaŋ

⁴¹ M nan jin kina aafalaa ŋibin moninko ŋi jer aan m nan bi aa chee na. M nan tun lituln tii si ŋibin kipiik ni ŋinaa, aabisatiib bilee bee pu, le ki tun lituln ŋibin ŋiloob, maawakor ngbaan pu. Falaa umina mɔmɔk ponn ni, aa nan kpeln saah ba ga pa mi pu na nfum kipiik pu.

Mpiin 31:41 Iomraidhean Croise

Mpiin 27:44

ki ti li bi nima, ki kii buyoonn aakpel Esɔ aaŋuul ga ti sɔŋ na,

Mpiin 29:15

Labann nan bui Jakob ke, “Naa mɔ ke aa li tun lituln tii mi dafir, ke saah ye maanii na pu. Aa ban ke m pa si iŋa?”

Mpiin 30:28

Tuk mi saapar aah ye pu na aan m pa si.”

Mpiin 31:38

M bi aa chee ki ti saa ŋibin moninko le na, le ki joo saawakor mɔmɔk ti ŋa si tinyoor, m mu aa ŋman saapiih ubaa.

Mpiin 31:40

N‑yoonn pam le nwiin nan gbaa mi, le tiwoor mu ŋun mi kinyeek, maa ŋmaa geeni.

Mpiin 31:6

Nimi bilee bee, ni nyi ke m tun lituln sakpen tii nite.

Mpiin 31:7

Le n‑yoonn pam, u jin mi pem pem ki kpeln waah ba ga pa mi pu na nfum kipiik pu. Uwumbɔr mu aa kii ke u bii mi.

Mpiin 32:4

U nan bui bi ke bi ti bui Esɔ ke, “Min Jakob, saanaagbiija na, le ban m tuk maaninkpel Esɔ ke m buen Labann do ni yunn sakpen a, le dandana wee m ban ke m gir kun ni.

1 Korenti 15:10

Le Uwumbɔr aah ter mi pu na, m bi ke maah bi pu dandana na. Waah ter mi pu na, waa ter mi yɔli. M tun lituln ki jer Yesu aakpambalb mɔmɔk. Ni mu aa ye min le tun lituln ngbaan. Uwumbɔr aaterm mu bi m chee na le cha m tun.

2 Korenti 11:26

M nan chuun ŋisachun n‑yoonn mɔmɔk, ki kani linimaln nnyun ni, le ki kani linimaln bififiirb chee, le ki kani linimaln maanib Juu yaab chee, le ki kani linimaln binib bi kaa ye Juu yaab na chee, le ki kani linimaln ntim ponn ni, ni kipɔɔk ni, ni nnyusakpem ni, le ki kani linimaln binib bi ŋmann ke bi ye Yesu Kristo aanib na chee.