Mpiin 31:39 - Uwumbɔr aagbaŋ

³⁹ N‑yoonn mumɔk tipeewanbir yaa nan ti chuu saawakork kibaa na kan, ni nan ye min le aafalaa. Maa nan yoor taakpab ti mɔk si ke naa ye maataani. N‑yoonn mumɔk unaayuk yaa nan ti sun saawakork kibaa kinyeek, bee nwiin pu na kan, see min le ga teen si.

Mpiin 31:39 Iomraidhean Croise

Mpiin 31:38

M bi aa chee ki ti saa ŋibin moninko le na, le ki joo saawakor mɔmɔk ti ŋa si tinyoor, m mu aa ŋman saapiih ubaa.

Mpiin 31:40

N‑yoonn pam le nwiin nan gbaa mi, le tiwoor mu ŋun mi kinyeek, maa ŋmaa geeni.

Nnyam 22:31

“Naah ye maanib pu na, ni taa ji kiwakork ki aanann upeel chuu ki ŋman gur na; ni di tinann ngbaan aaboln tii ibɔ.

Nnyam 22:9

“Binib bilee yaa kpak tiwan pu, ni yaa ye inaa, bee ibon, bee ipiih, bee tiwanpeenkaan, bee tiwan ni wɔŋ na pu kan, ni di bimɔk bilee dan min Uwumbɔr aanimbiin ni. Min Uwumbɔr yaa ti nyan unii u ke uma le lir na, u ga pa tiwan ngbaan nfum mulee ki teen unii u ji mbamɔn na.

Liifai Yaab 22:8

U taa ji kiwakork ki kpo kibaa pu, ni upeel aah chuu kiwakork ki ki ŋman gur kaanann na; ni ga cha waan ki li bi chain. Min le ye Uwumbɔr.

Tibɔnyaan ti Luk ŋmee ti na 2:8

Bipihdam bibaa nan bi nima chee timoor ni, ki kpaa baapiih ki lik i kinyeek.