Mpiin 30:9 - Uwumbɔr aagbaŋ

⁹ Le Lea kan ke waa ki maa, le u di waanaagbiipiibo Silpa ki di tii uchal Jakob u di u ŋa upuu.

Mpiin 30:9 Iomraidhean Croise

Mpiin 16:3

Nima pu na, Sarai nan di Hagar tii uchal Abram, le u di u ŋa upuu. Nimina nan ŋa buyoonn Abram nan bi Kanaann aatiŋ ni ki ti saa ŋibin kipiik na la.

Mpiin 29:24

Labann nan di waanaagbiipiibo Silpa di tii ubisal Lea, u li tun waatuln.

Mpiin 29:35

Le u nan ki dek lipuul ki ki ma ubijabo uken. U nan ki bui ke, “N‑yoonn mue, m ga pak Uwumbɔr sakpen.” Nima pu na, u nan yin u ke Juda. Le Uwumbɔr nan laa cha u di cha kina kaa ki ma.

Mpiin 30:10

Le Silpa nan ma ubijabo tii Jakob.

Mpiin 30:17

Uwumbɔr nan ŋun Lea aameel pu, le u dek lipuul ki ki ma ubijabo ŋmuŋmur tii Jakob.

Mpiin 30:4

Nima pu na, u nan di Bilha tii uchal, le u doon u chee.

Mpiin 30:8

Rachel nan ki bui ke, “M pɔɔn mbaa ki mee Uwumbɔr ki kan mbim ke nkpel aah kan pu na.” Nima pu na, u nan yin u ke Naftali.

Mpiin 46:18

Jakob aabim ni uyaabitiib kipiik ni biloob bi u nan ma unaagbiipii Silpa chee na le bi na. Labann aah nan di unaagbiipii u tii ubisal Lea na le ma Jakob chee kina.