Mpiin 30:32 - Uwumbɔr aagbaŋ

³² Cha m lik saapiih ngbaan ponn ni, ki nyan ipiih imɔk kpa mbɔm na, ni imɔk kpa mpem ni mbɔm na, ni iŋoob imɔk kpa mpem ni mbɔm na. Maah ban tipar ti na le na.

Mpiin 30:32 Iomraidhean Croise

Mpiin 30:31

Le Labann baa u ke, “Aa ban ke m pa si ba?” Le Jakob bui u ke, “Maa ban tipar tibaa. M ga li beenin kpaa saapiih ngbaan, see aa ti kii maah ban m kpokl si pu na.

Mpiin 30:33

Ni yaa bi cha kan, aa lik ke m ye unibamɔnn aan maa ye. Buyoonn aa ga nan lik i na, aa yaa kan ipiih i kaa kpa mbɔm, bee iŋoob i kaa kpa mpem ni mbɔm na i ponn ni kan, aa bee ke m sun i la.”

Mpiin 30:35

Tɔ, liyaadaal ngbaan le Labann nan nyan iŋoja i ye ichachal na, ni iŋoninkpel i mu ye ichachal, bee i kpa mpem i pu na ibaa. U nan ki nyan ipihbɔn mu mɔmɔk le ki di i mɔmɔk ŋa ujapɔtiib aaŋaal ni,

Mpiin 31:10

“Buyoonn tiwakor ngbaan nan piin ki bi maa na, le m daŋ tidaŋ, le ki kan ke iŋoja i nan bi dur ininkpel na nan ye i lul mbɔmbɔm ni mpepem na la.

Mpiin 31:8

N‑yoonn mu nite Labann ti bui ke, ‘Iŋoob i ye ichachal na ye min yee na’ kan, see i mɔmɔk ga maa kina ŋmeen la. U yaa ti ki bui ke, ‘Iŋoob i lul mbɔmbɔm ni mpepem na ye min yee na’ kan, see i mɔmɔk ga maa kina ŋmeen la.