Mpiin 30:15 - Uwumbɔr aagbaŋ

¹⁵ Lea nan giin bui u ke, “Saah gaa m chee nchal pu na aa ŋeer aa? Dandana wee aa ki pɔɔni aabaa ke aa gaa njapɔɔn aasubil mu la aa?” Rachel nan bui u ke, “Aa yaa kii ki ga tii mi ŋisubil ngbaan kan, m ga di nchal tii si kinyeek kee, aa ni u doon.”

Mpiin 30:15 Iomraidhean Croise

Mpiin 30:14

Lidicheel yoonn nan fuu, le Rubenn buen tisar ponn ni ki ti ban ni ŋisubil ŋibaa, bi yin ŋi ke ngeehm aasubil, le ki joo ni ŋi nan tii una Lea. Le Rachel bui Lea ke, “Tii mi aajapɔɔn aasubil ngbaan ŋibaa.”

Mpiin 30:16

Tɔ, buyoonn Jakob nan nyan ni kisaak ki kun ni kijook wɔb na, le Lea buen u chee ki ti bui u ke, “Kinyeek kee, aa ga koo ni maadiik ni la; ba pu? m di njapɔɔn aasubil pan n‑yɔnn, aa pu a.” Nima pu na, Jakob nan koo Lea aadiik ni kinyeek ngbaan, le ki doon u chee.

Aisaya 7:13

Waah len kina na, le Aisaya giin bui u ke, “Ubɔrkpaan David aayaabitiib, li pel man, naa ŋan ke ni cha unibɔn aalaasaab nyan nimi ni, le ni ki ban ke Uwumbɔr mu aalaasaab nyan nimi ni ii?

Esekiel 16:47

Aasui nan piin ke aa di aataa taŋ baataa ni, ki li tun ŋitun ŋi sukr ponn ni na aa? Aayii, naa nan yunn le aa nan tun kina aatun ki jer baah nan tun pu na, saatuln mɔmɔk ni.”

Nkahm 16:13

Saah nyan ni timi Ijipt aatiŋ ki kpa nkpan ni n‑yaan, ke aa nan ku timi lii nteersakpiin mue ni na, naa ŋeer aa? Le aa ki ban ke aa kpaln timi aabɔr aa?

1 Korenti 4:3

Mma kan, nimi, bee dulnyaa ni aanib yaa ji mi tibɔr kan, ntafal aa bi ni ni. M mu aa ji mbaa tibɔr.