Mpiin 3:6 - Uwumbɔr aagbaŋ

⁶ Le upii lik ŋisubil ngbaan, ki kan ŋaah ŋan pu na, ki dakl ke unimbil yaa woln kan, ni ga li ŋan sakpen, le ki neen ŋi, le ki ker ŋi ki moo, le ki di ŋiken tii uchal mu, le u mu moo.

Mpiin 3:6 Iomraidhean Croise

Mpiin 3:12

Le uja bui u ke, “Saah di upii u tii mi ke u li bi m chee na, uma le tii mi ŋisubil ngbaan, le m moo.”

Mpiin 3:17

Le Uwumbɔr bui uja ngbaan ke, “Saah ŋun tii aapuu ki yii maamɔb ki jin ŋisubil ngbaan na, m puun lii kitiŋ pu. Aa ga tun ki kan falaa le ki nin kan tijikaar ji.

Mpiin 39:7

le naa yoor n‑yoonn, le waaninkpel aapuu aakpeek fii u pu, le u ban ke Josef doon u chee.

Mpiin 6:2

le ŋiniwɔk nan yoor baah gee bi na, ki di ŋa bipuutiib.

2 Samuel 11:2

Daalbaadaal aajoowiin pu, le David nan fii waafuur aadɔdooyaan, ki buen libɔrdichal aapaacham. Waah bi chuun paacham ngbaan na, le u kan upii ubaa bi fu nnyun. U nan ŋan sakpen.

1 Bibɔrb 13:19

Kina pu le Uwumbɔr aabɔnabr u nan nyan ni Juda aatiŋ ni na dii ubɔnabkpok na buen linampal, le u ni u ti jin tijikaar.

Job Aagbaŋ 31:1

M puu tipuukpaan le ke maan di lineel aanimbil lik usapɔɔn daalbaadaal.

Esekiel 24:16

“Unibɔn, m ga di linyakaakul libaa le ku unii u aa gee sakpen na. Saa kpa tibaa aa len, bee aa wii, bee tinyunyunn tibaa nya aanimbil ni.

Esekiel 24:21

Ni mak Uwumbɔr Aadichal pu la. Ni gee ke ni li lik li, ki li chaa ti manni li, le Uwumbɔr ga cha li kpaln wafam. Nimi aanib bi laa diin ki ye nimi aadichal ponn ni aanib, ki bi Jerusalem aatiŋ ni na ga bee butɔb ni.

Esekiel 24:25

Uwumbɔr nan ki bui mi ke, “Unibɔn, m ga nyan Maadichal li pɔɔ aan bi gee ke bi li lik, ki chaa ti manni li aan li ye baamakl ni mmɔɔn na bi chee. M ga ki yoor bijapɔtiib ni bibisatiib mu bi chee.

Hosea 6:7

“Tɔ, baah ti kpaan koo kitiŋ ngbaan ni na, le bi bii tipuur ti m ni bima nan puu tii tɔb na, ke Adam aah nan bii pu na.

Matiu 5:28

Min le tuk nimi ke unii umɔk kan upii aan usui koo u ni kan, u kpaan gɔr kidagook usui ni la.

1 Timoti 2:14

Kinimbɔŋ aa nan ŋmann Adam, ki nan ŋmann upii ngbaan la, le u tun titunwanbir.

Josua 7:21

Tiwan nimɔk ti jenn gaa na ponn ni, m kan Babiloŋ yaab aabɔkul nyaan libaa, ni tikunabr ti aanyunyuun ga pii njikaabim kuruwaa bilee na, ni salmaa u aanyunyuun ga pii njikaabim kuruwaa ubaa na, le nsui gee ni sakpen, le m yoor. M di tikunabr ngbaan le ŋa taab ki di ni mɔmɔk sub maabool ni. Ni ga kan ni nima.”

1 Jɔnn 2:16

Binib aanimbil man tiwan ni kaa ŋan na pu. Binimbil man baah kan tiwan ni na pu. Bi kpa kalmbaani baawan pu. Tiwan nimina mɔmɔk ye dulnyaa wee aasan la, naa ye Tite Uwumbɔr aasan.

Bibɔjirb 14:17

Upuu nan wii li pu kina le tibɔndinn aawiin ilole ngbaan ti saa. Tɔ, winlole daal le u nan tuk upuu laatataa aah ye pu na, ba pu? u nan cha ulaasaab ti nyan ubaa ni. Le u mu ti di tuk Filistia yaab ngbaan.