Mpiin 3:24 - Uwumbɔr aagbaŋ

²⁴ le ki di tiwanfuurkaan ni kpa ifeen na, ki di siin kisaak ngbaan aawipuul wɔb, le ki di mmiigaal mu naahn kijuk ki fenni ŋipepel mɔmɔk na, ki kiir kisaak ngbaan. Nima kan, unii ubaa aan ki pii limɔfal aasub chee.

Mpiin 3:24 Iomraidhean Croise

Mpiin 3:23

Le Uwumbɔr jenn nyan u Edenn aasaak ngbaan ni, le ki cha u ko waah nyan ni titan ti ponn ni na,

Mpiin 4:1

Adam nan doon upuu chee, le u dek lipuul, ki ma ubijabo, le ki bui ke u kan ubo, Uwumbɔr aaterm pu, nima pu na, u ga yin u ke Kainn.

Mpiin 4:14

Aa nyan mi kitiŋ kee pu a, le ki chuu paar aaŋaal m pu. Maan ki li kpa maah ga koo nin chee na. Le maah ga li ye uchayiin pu na, unii umɔk kan mi na ga ku mi.”

Ilahn 104:4

Libuln le ye saatuuntiib, le imiigaal ye saatutum.

Ilahn 80:1

Israel yaab Aakikiir, li pel ni ti chee; sin u lolni saanib pu nsan na, ŋun ni ti chee. Sin u ka saabɔrjal pu, tiwan ni kpa ifeen na aapaacham,

Ilahn 99:1

Uwumbɔr le ye ubɔr, le binib aawon gbaa. U ka waabɔrjal pu, tiwan ni kpa ifeen na aapaacham, le kitiŋ jii.

Nnyam 25:2

“Tuk Israel yaab ke bi tii mi ipiin, uja mɔk aah kpa pu u tii na, u li joo ni.

Esekiel 10:1

M nan lik tiwan ni naahn tidipimoor ki bi tiwan ni kpa ifeen ngbaan na aayil paab na, le ki kan tiwan ni bi ke libɔrjal li bi di ŋitakpanyaan ŋa li na nipaacham.

Esekiel 31:11

kina pu na, m yii bu, ki ga di bu tii ujojoor u ye uwɔwɔnja na. U ga di tiwan ni ŋeer busub ngbaan aabiin na tii bu.

Nkahm 22:23

N‑yoonn mu ubon ngbaan kan Uwumbɔr aatuun ngbaan si nsan ni ki joo kijuk na, le u faa ngɔnn dii timoor ni. Balaam nan faa ubon ngbaan le ki giin u taŋ nsan pu.

Jɔnn 14:6

Le Yesu bui u, “Min le ye nsan ngbaan, ni mbamɔn, ni limɔfal. Ubaa aan dan Nte Uwumbɔr chee, see u dii mi.

Hiibru Yaab 1:7

Uwumbɔr len waatuuntiib aabɔr, ke u cha waatuuntiib tun waatuln la, ke libuln ni mmiigaal aah tun waatuln pu na.

Josua 5:13

Buyoonn Josua nan bi gbɔk Jeriko aatiŋ na, le uja ubaa kpaan nyan sil u chee, unimbiin ni, le ki joo kijaak aajuk. Josua nan buen u chee le ki ti baa u ke, “Aa ye timi aajab ponn ni ubaa, bee aa ye timi aadin la?”

1 Samuel 4:4

Le bi tun binib Silo aatiŋ ni, ke bi ti yoor ni Uwumbɔr Mpɔɔnsakpiindaan u bi tiwan ni kpa ifeen na aapaacham na Aakaal Aadakaa. Le Eli aajapɔtiib bilee na, Hofni ni Fineas, mu dii buen.