Mpiin 3:17 - Uwumbɔr aagbaŋ

¹⁷ Le Uwumbɔr bui uja ngbaan ke, “Saah ŋun tii aapuu ki yii maamɔb ki jin ŋisubil ngbaan na, m puun lii kitiŋ pu. Aa ga tun ki kan falaa le ki nin kan tijikaar ji.

Mpiin 3:17 Iomraidhean Croise

Mpiin 3:11

Le Uwumbɔr baa u ke, “Ŋma tuk si ke aa chuun aaŋmeen? Maah bui si ke aa taa ji ŋisubil ŋi na, le aa jin aa?”

Mpiin 3:18

Kitiŋ ga pa ikokon ni ichakpeejagar; le aa ga li ji timoor ni aasufar.

Mpiin 3:6

Le upii lik ŋisubil ngbaan, ki kan ŋaah ŋan pu na, ki dakl ke unimbil yaa woln kan, ni ga li ŋan sakpen, le ki neen ŋi, le ki ker ŋi ki moo, le ki di ŋiken tii uchal mu, le u mu moo.

Mpiin 5:29

le ki bui ke, “Uwumbɔr aah puun lii kitiŋ pu na, ubo umina pu, le ti ga kan lifuur timi aafalaa ni,” le ki yin u ke Nowa.

Mpiin 8:21

Uwumbɔr aah ŋun kitork ngbaan aanun na, le ni piir usui, le u bui ubaa ke, “Maan ki puun lii kitiŋ pu kina daalbaadaal, ki joo cha unibɔn aah ŋa pu na. M nyi ke unibɔn aah laa diin ki joo cha na, waalandak ye titunwanbir la. Din ki joo cha, maan ki bii tiwanfuurkaan mɔmɔk, ke maah ŋa pu n‑yoonn mue na.

Job Aagbaŋ 14:1

Bi ma ti mɔmɔk, ti ye tiwonkpir le kaa kpa uteter. Ti mɔmɔk bi tibɔbir, ni kimɔfageŋ baan ni la.

Job Aagbaŋ 21:17

Ubiindaan aamii kee junn aa? Bi ponn ni ubaa kee kan tibɔbir aa? Uwumbɔr kee daa bibiindam aatafal waaŋuul ni

Ilahn 127:2

Aa yaa fii kichakpiik ni mala ki nan gir ni kijoobɔŋ ke aa tun ki kan kan, ni ye fam la. Uwumbɔr aah gee binib bi na dɔ geen le u tii bi baah ban pu na.

Ulandaan 2:11

Le m nan kal ki dakl lik maah tun pu na mɔmɔk, ni maah di kitotoŋ ki tun kina na, le ki kan ke ni mɔmɔk nan ye fam la. Ni nan bi ke saah bi san dii libuln le na, naa kpa tinyoor kpala.

Ulandaan 2:17

Kina pu na, limɔfal aa nan kpa tinyoor tibaa m chee, ba pu? limɔfal lee aawan mɔmɔk joo ni mi tibɔr ŋmeen la. Ni mɔmɔk ye fam la; m nan bi san dii libuln la.

Ulandaan 5:17

Ti bi limɔfal lee ni, mbɔmbɔɔn ni mpombiin ni la, le ni muk timi, le timi aaŋuul fii, le ti buŋni.

Matiu 22:12

Le ubɔrkpaan ngbaan baa u, ‘Njɔ, aa ŋa kinye ki koo ni do, kaa pee tibɔndinn aawanpeenkaan?’ Le u si ŋmin.

Matiu 25:45

Le m ga bui bi, ‘M tuk nimi mbamɔn la, naah kaa nan ter nnaabitiib, biwaatiib bimina na, naa nan ter mi le na.’

Tibɔnyaan ti Luk ŋmee ti na 19:22

Le u bui u, ‘Si ututunn u kaa ŋan na, saah len pu na, nima le bii si. Aa bui ke aa nyi ke m ye unii u chur binib mpɔɔn na ki gaal maah kaa yeh tiwan ni na, ki chee maah kaa nan bun tijikaar ti na.

Jɔnn 16:33

M tuk nimi tibɔr timina ke ni li kpa nsuudoon m pu. Ni ga kan falaa dulnyaa ni. Ni li kpa lipobil man; ba pu? m nyaŋ dulnyaa a.”

Rom Yaab 3:19

Tɔ, ti nyi ke nkaal aah len pu na mɔmɔk len binib bi bi mu chee na la. Nima le dulnyaa wee ni aanib mɔmɔk aabɔr bii Uwumbɔr chee. Ubaa aan ŋmaa len tibaa ke u nyan ubaa tibɔr ni Uwumbɔr chee.

Hiibru Yaab 6:8

Tɔ, kitiŋ ki po ŋani ikokon ni ichakpeejagar baanja na bee yɔli la. Naan yunn, le bi ga see ki mmii ki bii ki. Kitiŋ ngbaan aadoon le na.