Mpiin 3:13 - Uwumbɔr aagbaŋ

¹³ Le Uwumbɔr baa upii ngbaan ke, “Ba ŋa aa ŋa kina?” Le upii bui u ke, “Uwaa le ŋmann mi, le m moo.”

Mpiin 3:13 Iomraidhean Croise

Mpiin 12:18

Iween aah lir ubɔr ni udo yaab pu na, le u tun ki ti yin ni Abram, le ki nan baa u ke, “Ba ŋa aa ŋa mi kina? Ba ŋa saa tuk mi mbamɔn ke u ye aapuu la?

Mpiin 44:15

Le Josef baa bi ke, “Ba ŋa ni ŋa kina? Naa nyi ke min uninkpel kina aaboln ga ŋmaa baa ki bee naah ŋa pu na aa?”

2 Samuel 3:24

Le Joab buen ubɔr chee ki ti baa u ke, “Ba ŋa aa ŋa kina? Abner dan aa chee, le aa cha u ŋmar ki buen.

1 Bibɔrb 13:18

Le Uwumbɔr aabɔnabkpok u nyan Betel ni na nan bui u ke, “Min mbaa mu ye Uwumbɔr aabɔnabr ke sin na la; le Uwumbɔr aatuun bui mi ke m nan di si buen linampal ki ti ŋa si tichann.” Tɔ, Uwumbɔr aabɔnabkpok ngbaan nan bi geei la.

Liifai Yaab 12:5

Upii yaa ma upiibo ki bi ki ti saa iwiin kipiik ni inaa daal kan, waa bi chain, le ni bi ke waah fuu mpiikpen le na. Nsin aah nyan upii ngbaan ni pu na, see u ki bi ki ti saa iwiin imonko itaa ni iloob kpee, le ki nin ŋa chain.

Jona 1:10

Jona nan ki tuk bi ke u bi san bɔrni Uwumbɔr la. Ijawaan nan chuu biŋɔŋaab ngbaan, le bi bui u ke, “Saah ŋa pu na aa ŋan kpala.”

Jɔnn 18:35

Le Pailat baa u, “M ye Juu yaab aanii la aa? Sin aabaa aanib ni Uwumbɔr aatotoorninkpiib le di si ŋa ŋŋaal ni. Aa ŋa ba?”

Rom Yaab 7:11

Nkaal pu le titunwanbir ti bi nsui ni na nan kpa nsan ki ŋmann mi, ki cha m ŋeer nkun.

2 Korenti 11:3

M san ijawaan ke binib ga ŋmann nimi, ni taa ki dii Kristo mbamɔm, ke kinimbɔŋ aah nan ŋmann Adam aapuu Iif pu na.

1 Timoti 2:14

Kinimbɔŋ aa nan ŋmann Adam, ki nan ŋmann upii ngbaan la, le u tun titunwanbir.

1 Samuel 13:11

Le Samuel baa u ke, “Aa ŋa ba?” Sɔɔl nan kii u ke, “Binib ngbaan bi san cha mi la, le aa mu aa fuu ni n‑yoonn mu aa bui ke aa ga fuu ni na. Ki ki kpee na, Filistia yaab bi kuuni Mikmas ni la.

1 Samuel 15:15

Sɔɔl nan kii u ke, “Maajab le gaa i Amalek yaab chee. Bi joo ipiih ni inaa i ŋan na ke bi di toor kitork tii Aadindaan Uwumbɔr la, le ki ku doo i gur na pel pel.”