Mpiin 3:1 - Uwumbɔr aagbaŋ

¹ Uwumbɔr aah nan naan ipeel imɔk na, uwaa le nan kpa nlan ki jer i mɔmɔk. Le u baa upii ngbaan ke, “Uwumbɔr sil bui ke ni taa ji kisaak ngbaan ni aasub bubaa aasubil aa?”

Mpiin 3:1 Iomraidhean Croise

Ulandaan 4:10

Ubaa yaa lir kan, uma na ga fiin u. Tɔ, unii yaa bi ubaa ki ti lir kan, naa ŋan kpala, ba pu? ubaa aa bi u chee ki ga ter u.

Aisaya 27:1

Nwiin ngbaan daal kan, Uwumbɔr ga di waajaak aajuk ki pɔɔ ki ku na, ki di daa kipeewanbiik Lefiatann ki mur guŋ kina ki bi nnyusakpem ni na aatafal, ki ku ki.

Matiu 10:16

“M ga tun nimi, ni ti moon Uwumbɔr aabɔr. Ni ga li bi ke ipiih i bi ŋisapol aakaasisik ni na la. Ni li kpa nlan ke iwaa aah kpa nlan pu na, ki li bi suuna ke ŋinanjel aah bi pu na.

Matiu 4:3

Le kinimbɔŋ u tɔŋni binib na dan u chee, le ki nan bui u, “Aa yaa ye Uwumbɔr Aajapɔɔn kan, bui ŋitakpal ŋimina aan ŋi kpaln tijikaar.”

Matiu 4:6

le ki bui u, “Aa yaa ye Uwumbɔr Aajapɔɔn kan, lir ni kitiŋ. Ni ŋmee Uwumbɔr Aagbaŋ ni ke, ‘U ga tuk waatuuntiib ke bi li lik si, le bi ga li joo si biŋaal ni, aataal taa gbeer litakpal.’”

Matiu 4:9

le ki bui u, “Aa yaa gbaan kitiŋ ki pak mi kan, m ga di nimina mɔmɔk di tii si.”

2 Korenti 11:14

Baah ŋani kina na, ni taa cha ni gar nimi. Kinimbɔŋ kibaa ŋmanni ke ki ye Uwumbɔr aatuun u wiin chain na.

2 Korenti 11:3

M san ijawaan ke binib ga ŋmann nimi, ni taa ki dii Kristo mbamɔm, ke kinimbɔŋ aah nan ŋmann Adam aapuu Iif pu na.

1 Piita 3:7

Bijab, ni mu li nyi naah joo nipuutiib pu na. Bipiib aa kpa mpɔɔn ke bijab aah kpa pu na, nima na, ni li pak bi; ba pu? nimi ni bima le ga kpaan kan Uwumbɔr aapiin i ye limɔfal li kaa kpa ndoon na. Ni li joo bi mbamɔm, nimi aameel taa ŋa yɔli.

Tibɔkpiirkaan 12:15

Le kipeewanbiik ngbaan tii nnyun sakpem umɔb ni ke limɔɔl na ki lii, ke mu di upii ngbaan puu buen.

Tibɔkpiirkaan 20:2

U nan chuu kipeewanbiik ki ye kinimbɔŋ aan bi yin ki ke Uwaa u Yunn na, ki ki yin ki ke Defil, ki ki yin ki ke Sintana na, le ki di tikululn ngbaan buu ki,