Mpiin 29:32 - Uwumbɔr aagbaŋ

³² Lea nan dek lipuul, le ki ma ubijabo. Le u bui ke, “Uwumbɔr kan maamukl. Maah ma ubijabo wee na, nchal ga li gee mi.” Nima pu na, u nan yin ubo ngbaan ke Rubenn.

Mpiin 29:32 Iomraidhean Croise

Mpiin 16:11

Aa ga maa ubijabo, ki yin u ke Ismael; ba pu? Uwumbɔr ŋun saah wii limukl ponn ni pu na.

Mpiin 29:31

Uwumbɔr aah nan kan ke Jakob gee Rachel ki jer Lea na, le u nan cha Lea pue ma mbim, le Rachel nan chuun kaa maa.

Mpiin 31:42

Ni yaa kaa ye Uwumbɔr u nte Aisak ni n‑yaaja Abraham nan dii na nan bi m chee kan, kina m ba nyan aado nkuun la. Uwumbɔr aah kan maafalaa ngbaan, ni maah tun tii si pu na, le kinyeek na u fe bui si mbamɔn.”

Mpiin 35:22

Buyoonn Jakob nan laa bi kitiŋ ngbaan ni na, le ujapɔɔn Rubenn doon Bilha chee, u nan ye ute Jakob aapuutiib na ponn ni ubaa la. Jakob aah nan ŋun kina na, le usui fii, le liŋuul chuu u pam. Jakob nan kpa mbijabim kipiik ni bilee la.

Mpiin 35:23

Lea aabim le nan ye Rubenn, Jakob aajan aabijabo, ni Simeonn, ni Liifai, ni Juda, ni Isakar, ni Sebulunn.

Mpiin 37:29

Tɔ, Rubenn nan dan nnyunbun ngbaan chee ki lik, kaa kan Josef mu ponn ni, le u chuu waawanpeenkaan daa kar mpombiin pu,

Mpiin 42:22

Le Rubenn bui bi ke, “M nan tuk nimi ke ni taa ŋa tinaal ngbaan bakaa, le ni nan yii ke naan ŋun tii mi. Le dandana wee, waakun pu, ti bi ji falaa.”

Mpiin 42:27

Bi nan ti fuu nibaa chee ki ban bi doon kinyeek, le ubaa chuu buur waabɔtɔ ke u ŋa waabon tijikaar, le ki kan ŋimombil ŋi u ba di daa tijikaar ngbaan na bi bɔtɔ ponn ni.

2 Samuel 16:12

Nibaakan Uwumbɔr ga kan maanimbaak, ki tii mi tinyoor tibaa aan ti gaa waapuun ngbaan aabuul ni.”

1 Bibɔrb Aabɔr 5:1

Jakob aajapɔpol Rubenn aayaabitiib aayimbil sɔ: Rubenn aah nan gaa ute aapuu waatiir ubaa na, waa nan ki kpa nsan u ji tininkpir aafaal ute chee. Unaal Josef le nan gaa kina aasan.

Ilahn 106:44

Tɔ, bi mu yaa tee wii ki yin u kan, le u pel baayim ngbaan, ki bee ke bisui bii.

Ilahn 25:18

Lik maasuubiin, ni maafalaa wee, ki di maatunwanbir mɔmɔk cha pinn mi.

Nnyam 3:7

Le Uwumbɔr bui u ke, “M kan maanib aah bi ji falaa Ijipt yaab aaŋaal ponn ni pu na. M ŋun bi wii ki ban unii u ga gaa bi lii na. M nyi baafalaa mɔmɔk aabɔr.

Nnyam 4:31

Bi nan gaa kii, le baah ŋun ke Uwumbɔr dan bi chee ki nan kan baah muk bi ki ŋani bi falaa pu na, le bi gbaan kitiŋ ki doon u.

Nkahm 1:5

Bijab bimina le nan ye bisalolm bi nan bi baanibol ni, aan bi nyan bi baanib ponn ni, ke bi ter lituln ngbaan ni na: Linibol Ntaŋaal Aasaloln Rubenn Sedeur aajapɔɔn Elisur Simeonn Surisadai aajapɔɔn Selumiel Juda Aminadab aajapɔɔn Nasonn Isakar Suar aajapɔɔn Netanel Sebulunn Helonn aajapɔɔn Eliab Efraim Amihud aajapɔɔn Elisama Manase Pedasur aajapɔɔn Gamaliel Benjaminn Gideoni aajapɔɔn Abidann Dann Amisadai aajapɔɔn Ahieser Aser Okrann aajapɔɔn Pagiel Gad Dewel aajapɔɔn Eliasaf Naftali Enann aajapɔɔn Ahira

Tibɔnyaan ti Luk ŋmee ti na 1:25

le ki bui ke, “Uwumbɔr lik maah bi pu na la, le ki ŋa mi tibulchinn kina ki tii mi, ki nyan mi inimɔɔn ni.”

Ikaal 26:7

Le ti wii yin Uwumbɔr, u ye tiyaajatiib Aawumbɔr na, ke u ter timi. U nan ŋun le ki kan timi aafalaa, ni limukl, ni kinimbaak.

Ikaal 27:13

Le ŋinibol ŋimina mu ga sil Ebal Aajool paab aan ni len imɔpuur aabɔr tee. Ŋinibol ngbaan sɔ: Rubenn, ni Gad, ni Aser, ni Sebulunn, ni Dann, ni Naftali aanibol.

1 Samuel 1:11

Le Hana nan puu tipuur tii Uwumbɔr ke: “Uwumbɔr u yeh mpɔɔn mɔmɔk na, lik mi, saanaagbiipii. Lik ki kan maabɔr, ki teer mbɔr. Taa suln mbɔr. Aa yaa tii mi ubijabo kan, m puu ke m ga di u tii si u tun saatuln waamɔfal mɔmɔk ponn ni, ki taa kuu uyikpir.”

1 Samuel 1:20

Kina pu na, ni nan ye le ke u di dek, ki maa ubijabo. U nan yin u ke Samuel, le ki kpiir len ke, “M mee u Uwumbɔr chee la.”