Mpiin 29:30 - Uwumbɔr aagbaŋ

³⁰ Jakob nan ki yoor Rachel mu u li ye upuu, le u nan gee u ki jer Lea. Rachel pu na, u nan ki tun lituln ki ti saa ŋibin ŋilole ki tii Labann.

Mpiin 29:30 Iomraidhean Croise

Mpiin 29:17

Lea aanimbil nan ŋan pam, Rachel mu nan tee ŋan sakpen ki jer u.

Mpiin 29:18

Jakob nan gee Rachel sakpen, nima pu le u bui ke, “Aa yaa ga di Rachel tii mi kan, m ga tun lituln ki ti saa ŋibin ŋilole tii si.”

Mpiin 29:20

Le Jakob nan tun ki ti saa ŋibin ŋilole ngbaan ke u gaa Rachel, le waah nan gee Rachel sakpen pu na, ŋibin ŋilole ngbaan aa nan yunn u chee.

Mpiin 29:29

Labann nan ki di waanaagbiipiibo Bilha mu tii ubisal Rachel, u li tun lituln tii u.

Mpiin 29:31

Uwumbɔr aah nan kan ke Jakob gee Rachel ki jer Lea na, le u nan cha Lea pue ma mbim, le Rachel nan chuun kaa maa.

Mpiin 31:15

U ŋani ti mu ke taah ye biwɔwɔm le na. U di timi kooh a, le dandana wee u jin tipar ngbaan doo a.

Mpiin 31:41

M nan jin kina aafalaa ŋibin moninko ŋi jer aan m nan bi aa chee na. M nan tun lituln tii si ŋibin kipiik ni ŋinaa, aabisatiib bilee bee pu, le ki tun lituln ŋibin ŋiloob, maawakor ngbaan pu. Falaa umina mɔmɔk ponn ni, aa nan kpeln saah ba ga pa mi pu na nfum kipiik pu.

Mpiin 44:20

Le ti nan bui si ke, ‘Tite bi ki mu por sakpen; tinaal uwaatiir ubaa mu bi. Buyoonn tite por na le u ma u. Le uwaatiir ngbaan aakpel kpo a, uwaatiir ngbaan baanja le gur una aabibaal, ute mu gee u sakpen a; ba pu? uma le ye libigbiln.’

Mpiin 44:27

Le tite bui timi ke, ‘Ni nyi ke mpuu Rachel ma mbijabim bilee baanja la.

Hosea 12:12

Tiyaaja Jakob nan san le ki buen Mesopotamia; nima chee, le u nan ti tun lituln tii uja uken ki kpaa waapiih, ke u tii u usapɔɔn.

Matiu 10:37

“Unii umɔk gee ute, bee una ki jer mi na, waa ŋeer u le ye maadidiir. Unii umɔk gee ujapɔɔn, bee ubisal ki jer mi na, u mu aa ŋeer u le ye maadidiir.

Matiu 6:24

“Unii ubaa aan ŋmaa li ye dindatiib bilee aanaagbiija; u ga li nan ubaa, le ki gee uken; u ga li si ubaa aachaŋ ni, le ki lik uken fam. Naan ŋmaa dii Uwumbɔr ni liwankpal mu.

Tibɔnyaan ti Luk ŋmee ti na 14:26

“Unii yaa dan u nan dii mi, ki yaa kaa gee mi ki jer waah gee ute ni una, ni upuu, ni waabim, ni unaatiib, ni ukpetiib, ni uninkpatiib, ni waamɔfal pu na kan, waan ŋmaa dii mi.

Jɔnn 12:25

Unii umɔk gee waamɔfal ki jer min Yesu na, waamɔfal ga bee yɔli la. Unii umɔk gee min ki jer waamɔfal dulnyaa wee ni na, u ga li kpa limɔfal li kaa kpa ndoon na, kaan bee yɔli.

Ikaal 21:15

“Uja yaa kpa bipiib bilee aan bi mɔmɔk maa mbijabim, aan njan aabo ngbaan aa ye upuu u u gee sakpen na aabo kan,